«Տոն Ժուան Avia»-ն` Հոլանտայի Մէջ

0
150

Փարիզի «Լա պոհեմա» թատերական միութեան հիմնադիր, գեղարուեստական ղեկավար, բեմադրիչ, դերասան Նարեկ Դուրեանի մտայղացումները կեանքի կոչուելէ ետք մեծ հետաքրքրութիւն  կտ յառաջացնեն թատերասէր հանրութեան կողմէ, կը գրէ «Նիտերլանտական օրագիրը»:

Հայաստանի եւ արտերկրի մէջ յաջողութեամբ  ընդունուած անոր 2009 թուականին բեմադրած «Տոն Ժուան Աւիա» ներկայացումը, որուն հիմքին մէջ ինկած  է 20-րդ դարու ֆրանսացի գրող Մարք Քամոլետիի «Պոինկ-Պոինկ» դասական զաւեշտը:

Այն միշտ ալ ապահոված է լեփ լեցուն դահլիճներ: Դերերուն մէջ բոլորին կողմէ սիրուած արուեստագէտներն են` Հրանդ Թոխատեան, Նարեկ Դուրեան, Լուիզա Ներսիսեան, Թամարա Պետրոսեան, Նայիրա Մովսիսեան: Այժմ անձնակազմը’ յիշեալ բեմադրութեամբ շրջագայութիւններով հանդէս կու գայ  Եւրոպայի հայ հանդիսատեսին առջեւ: Թէեւ ի սկզբանէ  թատերական  ներկայացումը  ծրագրաւորուած էր Զուիցերիոյ, Ֆրանսայի եւ Պելճիգայի մէջ,  այնուամենայնիւ «Match made in Heaven» Հոլանտական ձեռնարկներու կազմակերպման գործակալութեան
տնօրէն Կարինէ Կլեան յաջողեցաւ թատերական անձնակազմին  հրաւիրել նաեւ Հոլանտա: «Հիւրախաղերու մասին,-Նիտերլանտական Օրագիրի թղթ. Կը պատմէ Կարինէ  Կլեան, իմացայ 3 շաբաթ առաջ, այդ պատճառով հեռուստատեսային գովազդային տեսահոլովակին մէջ ոչ  մէկ խօսք չըսուիր Հոլանտայի մէջ բեմադրութեան կայացման մասին: Ամէն ինչ որոշուեցաւ վերջին վայրկեանին արտադրող Արմէն Համբարձումեանի հետ ունեցած համաձայնութենէն ետք: Գիտակցած եմ, որ սա ճիշդ քայլ չէ ֆինանսական առումով եւ վնաս` կազմակերպութեան համար: Սակայն առաջնորդուած եմ հայկական մշակոյթը հայ հանդիսատեսին օտար ափերու վրայ հասցնելու սկզբունքով ու նշանաբանով: Ուրախ եմ, որ  ներկայացումը  նաեւ մեր մօտ կայացաւ , այդ առթիւ շնորհակալական նամակներ կը ստանամ մեր հայրենակիցներէն»:

Յունուար 30-ին Լերտամ քաղաքին մէջ 200-է աւելի հայ հանդիսականներ հնարաւորութիւն ունեցան  լիաթոք ծիծաղով ու բարձր տրամադրութեամբ հետեւելու հումորային այս ուրախ ներկայացման:

«Տոն ժուան աւիա» ներկայացման հիւրախաղերը  Եւրոպայի մէջ կը շարունակուին:

LEAVE A REPLY

Please enter your comment!
Please enter your name here