Անցեալ Տարի Հայաստանի Եւ Ատրպէյճանի Նախագահները Կրճատած Են Իրենց Տարակարծութիւնները. Ուորլիք

0
139

ԵՐԵՒԱՆ, «Ազատութիւն».- ԵԱՀԿ Մինսկի խմբակի ամերիկացի համանախագահ Ճէյմզ Ուորլիք, «Ամերիկայի Ձայն»ին տուած հարցազրոյցին ընթացքին կարեւոր նկատած է Հայաստանի եւ Ատրպէյճանի նախագահներու շփումներուն շարունակումը՝ ղարաբաղեան հակամարտութեան կարգաւորման հասնելու համար: «Երկու նախագահներն ալ գիտեն, թէ ի՛նչ է անհրաժեշտ՝ Լեռնային Ղարաբաղի հակամարտութեան համապարփակ կարգաւորում գտնելու համար: Մենք գիտենք, որ անցեալ տարուան իրենց քննարկումներով, անոնք իրարու մօտեցուցած էին իրենց դիրքորոշումները եւ կրճատած տարակարծութիւնները: Շատ կարեւոր է, որ անոնք շարունակեն այդ քննարկումները, որովհետեւ այն, ինչին մենք հիմա ականատես կ՛ըլլանք տարածաշրջանին մէջ, այսինքն՝ բռնութեան աճին, ոչ մէկ երկրի կամ տարածաշրջանի ժողովուրդի շահերէն կը բխի», ըսած է Ուորլիք: Ամերիկացի համանախագահին համաձայն՝ հակամարտութեան խաղաղ կարգաւորման կարելի պիտի ըլլայ հասնիլ նախագահներու տարակարծութիւններու յաղթահարումով: «Մենք այդ հարցով պիտի աջակցինք իրենց: Մենք կը փնտռենք համապարփակ հանգուցալուծում, որուն համար ալ կան շարք մը հարցեր, որոնք պէտք է քննարկուին մեր կողմէ», աւելցուցած է Ուորլիք:

LEAVE A REPLY

Please enter your comment!
Please enter your name here