Հրանոյշ Յակոբեան.Սփիւռքի Հայկական Դպրոցներու Գրականութեան Ողջ Պահանջարկը Կը Բաւարարուի

0
161

ՀՀ սփիւռքի նախարար Հրանոյշ Յակոբեան կառավարութեան այսօրուան նիստին մէջ խօսելով գերատեսչութեան 2015 թուա­կանի «Սփիւռքի հայկական կրթական հաստատութիւններուն ուսումնական գրականութեան եւ օժանդակ նիւթերու մշակում եւ տրամադրում»  ծրագիրի կատարման մասին` նշեց, որ կը բաւարարուի Սփիւռքի մէջ գործող շուրջ 350 ամենօրեայ եւ 600 մէկօրեայ դպրոցներու ուսումնական գրականութեան պահանջարկը:

«Տրամադրուող գրականութիւնը մշակուած է ըստ համապատասխան երկիրներու, համայնքներու, կրթօճախներու առանձնայատկութիւններու, կրթական կարիքներու բազմազանութեան, արեւմտահայերէն խօսող սփիւռքահայ հատուածի պահանջներուն:

Յատուկ ուշադրութեան կեդրոնին մէջ են յատկապէս արեւմտահայերէն դասագիրքերու, ուսումնաօժանդակ նիւթերու մշակման խնդիրները, երթալով կ’աւելնայ սփիւռքին անհրաժեշտ մանկական գրականութեան, ազգային երգի ու պարի ձեռնարկներու, ժամանակակից մեթոդական ու օժանդակ նիւթերու, բառարաններու, ինքնուսոյցներու, զրուցարաններու պահանջարկը:

Վերջին տարիներուն կ’աւելնայ գրականութեան ձեռքբերման խնդիրով դիմող Սփիւռքի կրթական հաստատութիւններու, գրադարաններու, ուսումնական, մշակութային, համայնքային կազմակերպութիւններու, այլ հաստատութիւններու թիւը, կ’աճի յայտերու եւ պահանջուող նիւթերու թիւը, որ պայմանաւորուած է կրթական գործի կազմակերպման որակական փոփոխութիւններով, ինչպէս նաեւ մէկօրեայ դպրոցներու ստեղծմամբ». աւելցուց սփիւռքի նախարարը:

LEAVE A REPLY

Please enter your comment!
Please enter your name here