Ռուսիա Մտահոգ Է Շփման Գիծի Իրավիճակի Սրումով

0
146

ՊԱՔՈՒ, «Էյ.Փի.Էյ.».- Ռուսիոյ արտաքին գործոց նախարարութեան պաշտօնական ներկայացուցիչ Ալեքսանտր Լուքաշեւիչ Հինգշաբթի, Մարտ 5ին կայացած մամլոյ ասուլիսի մը ընթացքին յայտարարած է, որ Մոսկուա մտահոգ է Ատրպէյճանի եւ Հայաստանի զօրքերու շփման գիծին վրայ իրավիճակի սրումով:
Ան ցաւ յայտնած է, որ շփման գիծին վրայ պարբերաբար կը խախտուի զինադադարը: «Մարտ 1ի դրութեամբ, զինադադարի համաձայնութիւնը դարձեալ խախտուած է: Ցաւօք սրտի, բազմաթիւ կորուստներ կան: Երէկ, ԵԱՀԿի գործող նախագահի յատուկ ներկայացուցիչ Անճէյ Քասփըրչիքի ներկայութեամբ, դիտարկում տեղի ունեցած է զօրքերու շփման գիծին վրայ: Ան դիտարկումին պիտի անդրադառնայ յատուկ զեկոյցով: Կը կարծեմ, որ աւելի լաւ է ներկայ իրավիճակին մասին մանրամասն տեղեկութիւններ ստանալ ԵԱՀԿի ներկայացուցիչներէն», ըսած է ան:
Լուքաշեւիչ կոչ ըրած է հակամարտող կողմերուն զերծ մնալու այնպիսի արարքներէ, որոնք աւելի կրնան սրել շփման գիծի լարուածութիւնը: «Մենք կողմերուն կոչ կ՛ընենք հաւատարիմ մնալու հակամարտութեան խաղաղ կարգաւորման սկզբունքին», յայտարարած է ան:

LEAVE A REPLY

Please enter your comment!
Please enter your name here