Գըրգ Գըրգորեանի Կտակին Համաձայն` Անոր Վերջին Հրաժեշտը Պիտի Տան Լոս Անճելըսի Մէջ

0
125

Յայտնի հայ գործարար, միլիառատէր Գըրգ Գըրգորեանի կտակին համաձայն` յուղարկաւորութիւնը տեղի պիտի ունենայ Լոս Անճելըսի` ընտանիքին եւ մօտ հարազատներու նեղ միջավայրի մէջ: Այս մասին «Արմէնփրես»-­ի հետ զրոյցի ընթացքին նշած է «Քալիֆորնիա քուրիըր» թերթի հրատարակիչ եւ խմբագիր Յարութ Սասունեանը:

«Պիտի Ըլլայ ոչ հանրային, փակ յուղարկաւորութիւն, որուն պիտի մասնակցին ընտանիքի անդամները եւ մօտ հարազատները: Գըրգ Գըրգորեանը շատ չէր սիրեր հանրային վայրերու մէջ ըլլալ. անոր անունով շէնքեր, հաստատութիւններ չէք տեսներ, միշտ առանձին կ՛ընէր ամէն ինչ: Անոր ցանակութիւնը եղած է, որ յուղարկաւորութիւնը ըլլայ ոչ մարդաշատ»,-­ յայտնած է Յարութ Սասունեան:

98 տարեկանին կեանքէն հեռացաւ ամերիկահայ գործարար, միլիառատէր, բարերար Գըրգ Գըրգորեանը: Մահուան բօթը հաստատած է Գըրգորեանի «Թրասինտա Քորփորէյշընի» նախագահ եւ գործադիր տնօրէն Էնըթնի Մանտեկիքը: Գըրգորեանը մահացած է Երկուշաբթի երեկոյեան` Պեվըրլի Հիլլզի իր տան մէջ:

Գըրգ Գըրգորեանը ծնած է 1917-ին Յունիս 6-­ին Ֆրեզնօ քաղաքին մէջ: Զբաղած է հիւրանոցային շինարարութեամբ, կինօ եւ մեքենաներու արտադրութեամբ: Սպիտակի երկրաշարժէն ետք եւ ՀՀ շրջափակման ու տնտեսական ճգնաժամի տարիներուն «Հայաստան» համահայկական հիմնադրամի տարբեր ծրագիրներուն նուիրաբերած է աւելի քան 20 միլիոն տոլար: 1996 թուականին կրկնապատկած է Լոս Անճելըսի հեռուստամարաթօնի ընթացքին հաւաքած գումարը` Գորիս-Ստեփանակերտ ճանապարհի շինարարութեան յատկացնելով մօտ 4 միլիոն տոլար: 2001-էն անոր «Լինսի» հիմնադրամը 200 միլիոն տոլարի արժողութեան ծրագիրներ իրականացուցած է Հայաստանի մէջ ճանապարհներու վերակառուցման, մշակութային հաստատութիւններու նորոգման, աղէտի գօտիի վերականգնման ուղղութեամբ: Հայաստանի Ազգային հերոս է: Պարգեւատրուած է «Հայրենիք» շքանշանով:

 

LEAVE A REPLY

Please enter your comment!
Please enter your name here