ՆԱԹՕ-ն Կ՛աջակցի ԵԱՀԿ Մինսկի Խումբին

0
126

ՆԱԹՕ-­ն որեւէ յստակ դեր չէ ստանձնած ԼՂ հակամարտութեան կարգաւորման ուղղութեամբ, սակայն ընդունելով կողմերուն համար անվտանգութեան առաջնահերթութիւնը` ՆԱԹՕ-­ի դիքրորոշումը կը շարունակէ մնալ անփոփոխ: Հիւսիսատլանտեան դաշինքը կը շարունակէ աջակցիլ ԵԱՀԿ Մինսկի խումբին: «Արմէնփրես»-­ի փոխանցմամբ` ՆԱԹՕ-­ի խորհրդարանական վեհաժողովի Rose Rorh սեմինարի ժամանակ նման դիրքորոշում յայտնեց ՆԱԹՕ-­ի կեդրոնակայանի Եւրոատլանտեան ընդելուզման եւ գործընկերութեան գծով աւագ փորձագէտ Շթեֆան Էլկերսման:

«ԵԱՀԿ Մինսկի խումբը ունի օգտակար դերակատարութիւն ԼՂ հակամարտութեան կարգաւորման համար»,­- ըսած է ան: Էլկերսմայի խօսքերով, ՆԱԹՕ-­ն Հարաւային Կովկասի պետութիւններու հետ ունի համագործակցութիւն, որ յենուած է չորս սիւնի վրայ` երկիրներու աջակցութիւն, կրթական բարեփոխումներու իրականացում պաշտպանական ոլորտին, հաշուետուողականութիւն եւ թափանցիկութիւն եւ, ի հարկէ, դիւանագիտութիւն»,-­ ըսած է Էլկերսման:

Թէպէտ համագործակցութիւնը երեք երկիրներու հետ տարբեր մակարդակներու վրայ է, սակայն փորձագէտը յոյս յայտնեց, որ ՆԱԹՕ-­ի եւ Հարաւային Կովկասի երկիրներու միջեւ պիտի շարունակուին գործընկերային յարաբերութիւնները առանց դանդաղելու:

Երեւանի մէջ ՆԱԹՕ-­ի խորհրդարանական վեհաժողովի եւ ՀՀ ԱԺ համագործակցութեամբ` Յունիս 18-­20-­ին տեղի կ՛ունենայ «Անվտանգութիւնն ու կայունութիւնը Հարաւային Կովկասի մէջ. տեւական խաղաղութեան խթանումը տարածաշրջանի մէջ» խորագիրով Ռոուզ Ռոթ 89-րդ սեմինարը: Սեմինարի առանցքին են այնպիսի թեմաներ, ինչպիսիք են Հայաստանի համագործակցութիւնը եւրոատլանտեան համայնքին հետ, միջնորդութեան դերը Լեռնային Ղարաբաղի հակամարտութեան, բարեվարքութեան հաստատումը իբրեւ Հայաստանի պաշտպանական բարեփոխումներու մաս, ինչպէս նաեւ ՆԱԹՕ-ի գործընկերութիւնը Հարաւային Կովկասի մէջ:

LEAVE A REPLY

Please enter your comment!
Please enter your name here