Արփինէ Յովհաննիսեան Նշանակուած Է ՀՀ Արդարադատութեան Նախարար

0
138

ՀՀ նախագահ Սերժ Սարգսեանի հրամանագիրով Արփինէ Յովհաննիսեան նշանակուած է ՀՀ արդարադատութեան նախարար:

Ինչպէս կը տեղեկացնէ ՀՀ նախագահի աշխատակազմի հասարակայնութեան եւ տեղեկատուութեան միջոցներու հետ կապերու վարչութիւնը, Սերժ Սարգսեան նշանակման որոշումը կայացուցած է` ղեկավարուելով Հայաստանի Հանրապետութեան Սահմանադրութեան 55-­րդ յօդուածի 4-­րդ կէտով:

Արփինէ Յովհաննիսեան ծնած է  1983-ի Դեկտեմբեր 4-ին, Երեւան:

2004-ին աւարտած է Երեւանի պետական համալսարանի իրաւաբանական բաժանմունքը, 2006-ին` նոյն բաժանմունքի մագիստրատուրան: 2009-ին աւարտած է ԵՊՀ իրաւաբանական բաժանմունքի ասպիրանտուրան: Իրաւաբանական գիտութիւններու թեկնածու է:

2003-2006 թուականներուն աշխատած է ՀՀ արդարադատութեան նախարարութեան աշխատակազմի դատաիրաւական բարեփոխումներու վարչութեան քրէակատարողական ծառայութեան բարեփոխումներու բաժնի առաջին կարգի մասնագէտ,  2006-2007 թուականներուն` յառաջատար մասնագէտ:  2007-ին ԵՊՀ իրաւաբանական բաժանմունքի քաղաքացիական իրաւունքի ամպիոնի դասախօս է: 2007-2008 թուականներուն եղած է ՀՀ արդարադատութեան նախարարութեան աշխատակազմի իրաւական ակտերու փորձաքննութեան վարչութեան պետի տեղակալ: 2008- ի Մայիս 19- էն Սեպտեմբեր 30` ՀՀ նախագահի աշխատակազմի ղեկավարի օգնական:  2008-2011 թուականներուն` ԱԺ նախագահի խորհրդական:

2012-ի Մայիս 6-ին ԱԺ պատգամաւոր ընտրուած է համամասնական ընտրակարգով Հայաստանի Հանրապետական կուսակցութենէն:

Ամուրի  է:

LEAVE A REPLY

Please enter your comment!
Please enter your name here