Լէյլա Զանան Հացադուլի Կը Դիմէ Ճիզրէի Պաշարման Դէմ

0
131

ԵՐԵՒԱՆ, «Էրմենիհապեր».- Քիւրտ յայտնի քաղաքական գործիչ Լէյլա Զանա, որ վերջին ընտրութիւններուն խորհրդարանի անդամ վերընտրուած էր, Սեպտեմբեր 10ին հացադուլ յայտարարեց՝ բողոքելով քրտական Ճիզրէ քաղաքը պաշարման ենթարկելու թրքական բանակի որոշումին դէմ: Զանա յայտարարած է, որ իր հացադուլով կ՛ուզէ աշխարհի ուշադրութիւնը հրաւիրել քիւրտերուն դէմ իրականացուող աննախադէպ բռնութիւններուն վրայ: Նշենք, որ քրտամէտ կուսակցութեան ղեկավար Սալահետտին Տեմիրթաշ մէկ օր առաջ փորձած էր Ճիզրէ այցելել, սակայն բանակը արգիլած էր անոր մուտքը: Տեմիրթաշի հետ կը գտնուէր նաեւ հայազգի պատգամաւոր Կարօ Փայլան։
Նոյն օրը, քաղաքին մէջ սպաննուած էր 9րդ քաղաքացին, որ 7 երեխաներու մայր՝ 53 տարեկան կին մըն էր։ Ան թուրք ոստիկաններուն կողմէ սպաննուած էր՝ իր տան առաջ նստելով կրակմարի դրութիւնը խախտելուն համար։
Միւս կողմէ, քաղաքի Նուր թաղամասին մէջ համաճարակի վտանգ գոյութիւն ունի:

LEAVE A REPLY

Please enter your comment!
Please enter your name here