Թոլետոյի Մէջ Սկսած Է Գըրգ Գըրգորեանի Նախաձեռնած «Խոստումը» Ֆիլմի Նկարահանումը

0
121

Երկուշաբթի, Սեպտեմբեր 14ի առաւօտեան, սպանական Թոլետօ քաղաքին մէջ սկսած են Հայոց Ցեղասպանութեան մասին պատմող «Խոստումը» ֆիլմի նկարահանումները:

Ինչպէս կը տեղեկացնէ «ABC.es»ը, Քրիսչըն Պէյլի մասնակցութեամբ նշեալ նկարահանումներուն համար, քաղաքի «Թաւերա» հիւանդանոցը քանի մը ժամով վերածուած է Պոլսոյ համալսարանի բժշկական բաժանմունքին, որ կը գործէր 1914 թուականին:

Գըրգ Գըրգորեանի նախաձեռնած ժապաւէնին մէջ, որուն բեմադրիչն է Թերի Ճորճ, Պէյլ կը կատարէ ուսանող բժիշկի մը դերը:

Յիշեցնենք, որ ֆիլմը սիրոյ եռանկիւն մը պատկերող պատմութիւն է՝ երկու տղամարդու եւ կնոջ մը միջեւ: Ժապաւէնին մէջ ամերիկացի լրագրողի դերը կը կատարէ Օսքար Այզըք:

 

LEAVE A REPLY

Please enter your comment!
Please enter your name here