Հայաստանի եւ Ատրպէյճանի ԱԳ Նախարարները Պիտի Հանդիպին Սեպտեմբեր 23-24-ին. Էլմար Մամետիարով

0
151

Ատրպէյճանի արտաքին գործոց նախարար Էլմար Մամետիարով յայտարարեց, թէ Հայաստանի արտաքին գործոց նախարարին հետ հանդիպումը պիտի կայանայ Սեպտեմբեր 24-25-ին` Նիւ Եորքի մէջ:

ԱՓԱ գործակալութեան փոխանցմամբ` Մամետիարով յայտնած է, որ ԵԱՀԿ Մինսքի խումբի համանախագահները նախ առանձին պիտի հանդիպին նախարարներէն իւրաքանչիւրին հետ, ապա պիտի կայանայ համատեղ հանդիպումը:

«Վերջին շրջանին յաճախակի դարձած են հրադադարի խախտման դէպքերը: Յուսով եմ` այդ հարցով պայմանաւորուած` արդիւնք ձեռք կը բերուի: Այդ առումով Ռուսիան ամրապնդած է դիւանագիտութիւնը: Սերկէյ Լաւրով այցելած է Ատրպէյճան, իսկ ես` Մոսկուա: Սակայն արդիւնքի հասնելու համար մենք պէտք է աշխատինք: Մենք պէտք է համաձայնեցնենք որոշ հարցեր: Ռուսիա կը շարունակէ աջակցիլ ԵԱՀԿ Մինսքի խումբին: Պիտի փորձենք արդիւնքի հասնիլ, սակայն նախապէս որեւէ բան ըսելը դժուար է»,- ըսաւ ան:

LEAVE A REPLY

Please enter your comment!
Please enter your name here