Մոսկուա. «Ասատի Վարչակազմին Չենք Աջակցիր, Այլ Կը Ջանանք Սուրիական Պետութիւնը Պաշտպանել»

0
147

Ռուսիոյ արտաքին գործոց նախարարութեան բանբեր Մարիա Զախարովա յայտարարեց. «Մոսկուան Սուրիոյ նախագահ Պաշշար Ասատի վարչակազմին չ՛աջակցիր, այլ կը ջանայ պաշտպանել սուրիական պետութիւնը»:

«Մոսկուայի` Դամասկոսին տրամադրած զինուորական աջակցութեան նպատակը ահաբեկչութեան դէմ պայքարն է եւ շրջանին մէջ ամբողջական աղէտի կանխարգիլումը», ըսաւ ան` աւելցնելով. «Մոսկուա պատրաստ է սուրիական ուժերուն իր տրամադրած զինուորական աջակցութեան մասին պատշաճ խողովակներու միջոցով տեղեկութիւններ փոխանցելու»:

Ան Միացեալ Նահանգները քննադատեց հարցը հրապարակաւ լրատուամիջոցներուն միջոցով քննարկելնուն համար:

LEAVE A REPLY

Please enter your comment!
Please enter your name here