ՓԻՆԿ ՓՈՆԿԻ ԼԻԲԱՆԱՆԻ ԱԽՈՅԵԱՆՈՒԹԵԱՆ ՄՐՑՈՒՄՆԵՐՈՒՆ ՀԵԸ ԱՆԴՐԱՆԻԿԻ ԱՐԴԻՒՆՔՆԵՐԸ

0
145

Ինչպէս միշտ, Հ.Ե.Ը. Անդրանիկը ներկայացնող մարզիկներն ու մարզուհիները գոհացուցիչ արդիւնքներ արձանագրեցին  Լիբանանի փինկ փոնկի ախոյեանութեան հերթական մրցումներուն:

Արդարեւ, 24-31 Օգոստոս 2015-ի միջեւ, Լիբանանի փինկ փոնկի ֆետերասիոնին հովանաւորութեամբ, Մոն Լա Սալի մէջ տեղի ունեցան փինկ փոնկի   Լիբանանի ախոյեանութեան տարիքային  տարբեր դասակարգումներու մրցումները:

1994-95- 96-ին  ծնեալ պատանիներու մրցումներուն, Հ.Ե.Ը. Անդրանիկ Անթիլիասի մարզիկ՝ Էլի Ճօ Ապտէլնուր եւ Հ.Ե.Ը. Անդրանիկ Պէյրութը ներկայացնող՝ Հիշամ Ալ Թաուիլ գրաւեցին երրորդ դիրքը:

1997-98-99-ին ծնեալ պատանիներու մրցումներուն, Հ.Ե.Ը. Անդրանիկ Պէյրութի մարզիկ Յակոբ Ոսկերիչեան գրաւեց երրորդ դիրքը:

Միւս կողմէ, 14-19 Սեպտեմբեր 2015-ի միջեւ, Մոն Լա Սալի մէջ  տեղի ունեցան փինկ փոնկի տղոց եւ աղջկանց ախոյեանութեան մրցումները: Խմբային ախոյեանութեան տիտղոսին տիրացաւ Նատուա Քամաթիյէ ակումբը:   Հ.Ե.Ը. Անդրանիկը ներկայացնող՝ Ռիթա եւ Մէյսա Պըսէյպէս   քոյրերը գրաւեցին աղջկանց զոյգերու երրորդ դիրքը: Խառն զոյգերու մրցումներուն, Մէյսա Պըսէյպէս եւ Ահմէտ Հարպ զոյգը երրորդ հանդիսացաւ:

Կ’արժէ նշել,թէ   Հ.Ե.Ը. Անդրանիկ   փինկ փոնկի խումբին մարզիչն է Սահակ Պիտինեան:

 

LEAVE A REPLY

Please enter your comment!
Please enter your name here