Ցեղասպանութեան Ճանաչման Մասին Գերմանիոյ Բանաձեւը Կրնայ Վաւերացուիլ Աշնան

0
121

ԵՐԵՒԱՆ, «Նիուզ».- Գերմանիոյ խորհրդարանին կողմէ Հայոց Ցեղասպանութեան ճանաչման բանաձեւը կրնայ վաւերացուիլ այս աշնան. այս մասին Սեպտեմբեր 22ին յայտարարեց Հայաստանի մօտ Գերմանիոյ դեսպան Մաթիաս Քիսլեր, հայ-թրքական հաշտեցման նուիրուած «Գործելով Միասին» ծրագիրի առաջին փուլի մամլոյ ասուլիսին ընթացքին։
Քիսլեր յայտնեց, որ 2015ը շատ կարեւոր տարի է Հայաստանի համար եւ յիշեցուց Գերմանիոյ նախագահին ու խորհրդարանի նախագահին հայանպաստ ելոյթները:
«Ցեղասպանութեան նիւթը շատ կարեւոր է Գերմանիոյ համար: Սաքսոնիի մշակոյթի նախարարը եւս Երեւան կը գտնուի, եւ մենք միասնաբար այցելեցինք Հայոց Ցեղասպանութեան թանգարանը: Այցը շատ յուզիչ էր մեզի համար», նշեց Քիսլեր:

LEAVE A REPLY

Please enter your comment!
Please enter your name here