Նախարար Հրանուշ Յակոբեանը Ընդունեց Սեդա Խտըշեանն Ու Շահան Գանտահարեանը

0
153

28 սեպտեմբերին Հայաստանի Հանրապետութեան սփիւռքի նախարար Հրանուշ Յակոբեան ընդունեց Հայոց ցեղասպանութեան 100-ամեակի Լիբանանի Կեդրոնական մարմինի ատենապետ Սեդա Խտըշեանը եւ փոխատենապետ Շահան Գանտահարեանը:

Նախարարը շնորհաւորեց Ս. Խտըշեանը` Հայաստանի Հանրապետութեան նախագահին կողմէ Հայոց ցեղասպանութեան 100-ամեակին նուիրուած նախաձեռնութիւններու պատշաճօրէն կազմակերպման եւ գործադրութեան իմաստով ունեցած նշանակալի աւանդին համար «Երախտագիտութեան» մետալով պարգեւատրուելուն համար` շեշտելով, որ ան լիովին արժանի է այդ բարձր պարգեւին:

Շնորհակալութիւն յայտնելով նախարարին` Սեդա Խտըշեան նշեց, որ նման բարձր պարգեւի պատիւը կը պատկանի այն բոլոր անձերուն, որոնք որեւէ ձեւով նպաստած են Ցեղասպանութեան նախաձեռնութիւններու կազմակերպման` շեշտելով, որ այդ իմաստով սփիւռքի նախարարութիւնը կարեւոր դերակատարութիւն ունի:

Երկուստեք շեշտուեցաւ հետագայ աշխատանքները աւելի համակարգուած եւ նպատակասլաց դարձնելու անհրաժեշտութիւնը:

LEAVE A REPLY

Please enter your comment!
Please enter your name here