Ատրպէյճան Ունի 22-24 Զոհ, 60-80 Վիրաւոր. ԼՂՀ ՊԲ Տուեալներ

0
105

Ատրպէյճան ունի 11-12 զոհ, որոնց անունները ճշգրտուած են Պաշտպանութեան բանակին կողմէ, եւ մօտ նոյնքան զոհ, որոնց անունները ճշգրտման փուլի մէջ են: Այս մասին այսօր` Սեպտեմբեր 30-ին, ԼՂՀ Ազգային ժողովի մէջ յայտարարած է ԼՂՀ պաշտպանութեան նախարար Լեւոն Մնացականեան:

Այս առնչութեամբ, ԼՂՀ վարչապետի մամուլի խօսնակ Արտակ Բեգլարեան ֆէյպուքեան իր էջին մէջ գրած է. «Քիչ առաջ ԱՀ պաշտպանութեան նախարար Լեւոն Մնացականեան Ազգաին ժողովին մէջ, պատասխանելով իրեն ուղղուած հարցումին, նշած է, որ ՊԲ-ն կը վերահսկէ իրավիճակը եւ կը կատարէ պատժիչ գործողութիւններ` ի պատասխան Ատրպէյճանի յարձակումներուն: Արդիւնքով Ատրպէյճանը ունի 11-12 զոհ, որոնց անունները ճշգրտուած են ՊԲ կողմէ, եւ մօտ նոյնքան զոհ, որոնց անունները ճշգրտման փուլի մէջ են: Բացի ատկէ, իրենց հիւանդանոցներուն մէջ այս պահի դրութեամբ 60-80 վիրաւոր կայ` ըստ Լեւոն Մնացականեանի»:

Բեգլարեան նաեւ հաղորդած է իր տեղեկութիւնները, ըստ որոնց` «բացի մարդկային կորուստներէ, ատրպէյճանցիները կրած են նաեւ նիւթական զգալի կորուստներ, քանի որ մի քանի յենակէտեր եւ զօրանոցներ ոչնչացուած են մեր կողմէն:  Կը կարծեմ` ակնյայտ է, որ Տաւուշի բնակիչներուն եւ ԱՀ զինուորներուն վրայ յարձակումները Պաքուն չէ մարսած»:

LEAVE A REPLY

Please enter your comment!
Please enter your name here