Սեւակ Պալըքճըի Սպանութեան Դատավարութիւնը՝ Տեղքայլի Մէջ

0
149

ՊՈԼԻՍ, «Մարմարա».- «Տեմոքրաթհապեր» լրատուական կայքի աշխատակից Հրանդ Գասպարեան կը տեղեկացնէ, որ զինուորական ծառայութեան ընթացքին, 24 Ապրիլ թուականով իր ընկերոջ կողմէ սպաննուած Սեւակ Պալըքճըի սպանութեան դատավարութիւնը կը շարունակէ ձգձգուիլ։ Արդիւնք չկայ, որովհետեւ դատարանին պահանջած փաստաթուղթերն ու տեղեկութիւնները տակաւին չեն հասած։

Դատական կազմը արդէն իսկ փոխուած է, ուստի Սեպտեմբեր 29ի նիստին ընթացքին հին ատենագրութիւնները կարդացուեցան։ Յայտնի դարձաւ, որ դատարանին կողմէ պահանջուած կարգ մը մասնագիտական տեղեկագիրներ տակաւին տեղ չեն հասած։ Սեւակ Պալըքճըի ընտանիքի փաստաբանը պահանջեց, որ պակասները ժամ առաջ ամբողջացուին։ Յաջորդ նիստը պիտի կայանայ Դեկտեմբեր 22ին։

LEAVE A REPLY

Please enter your comment!
Please enter your name here