Պարսելոնայի Մէջ Տեղի Ունեցաւ ՀԲԸՄ “Կարպիս Փափազեան Մրցանակ»-ի Շնորհման Արարողութիւնը

0
128

Սեպտեմբեր 25-ին Սպանիոյ մէջ ՀՀ դեսպան Աւետ Ադոնցը մասնակցեցաւ Պարսելոնայի մէջ տեղի ունեցած Հայ Բարեգործական Ընդհանուր Միութեան “Կարպիս Փափազեան մրցանակ”-ի շնորհման արարողութեան, այս մասին կը յայտնեն ԱԳՆ մամուլի ծառայութենէն:

Հայ ժողովուրդի պատմութեան, մշակոյթի, արուեստի, Հայկական հարցի եւ Հայոց ցեղասպանութեան թեմաներու ուսումնասիրման, միջազգայնացման եւ լուսաբանման համար մրցանակը յանձնուեցաւ սպանացի լրագրող, հրապարակախօս, հայկական թեմաներով բազմաթիւ աշխատութիւններու եւ շարք մը գիրքերու հեղինակ, հայ ժողովուրդի մեծ բարեկամ Խոսէ Անտոնիօ Գուրիարանին:

Ելոյթներով հանդէս եկան ձեռնարկին ներկայ հասարակական-քաղաքական գործիչներ:

Իր ելոյթի մէջ դեսպան Ադոնցը շնորհակալութիւն յայտնեց ՀԲԸՄ “Կարպիս Փափազեան” հիմնադրամին` 1986թ.-էն ի վեր ծաւալած հայրենանուէր գործունէութեան համար եւ Խոսէ Անտոնիօ Գուրիարանին` ողջ կեանք մը հայ ժողովուրդին, անոր պատմութեանն ու ներկային նուիրելու համար: Դեսպանը մասնաւորապէս նշեց. “Ամենեւին պատահական չէ, որ այս մրցանակը պարոն Գուրիարանին կը յանձնուի այս տարի, երբ կը լրանայ Հայոց ցեղասպանութեան 100-րդ տարելիցը: Իսկապէս խորհրդանշական այս տարին, կարծեմ, ճիշտ ժամանակն է մեր երախտիքի խօսքը յղելու այն մարդոց եւ կազմակերպութիւններուն, ովքեր այսօր, ինչպէս եւ 100 տարի առաջ, յաճախ վտանգելով սեփական կեանքը, կը փորձեն օգնել, փրկել, նոր կեանքի յոյս ու հնարաւորութիւն տալ միւսներուն: Մարդկութեան դէմ յանցագործութիւնը, այլատեացութիւնը, ռասիզմն ու անհանդուրժողականութիւնը չունին ազգութիւն, կրօն եւ արդարացում: Միայն համընդհանուր ջանքերով է, որ հնարաւոր է ունենալ առաւել խաղաղ, բարեկեցիկ, անվտանգ եւ արդար աշխարհ”:

Ձեռնարկի աւարտին հնչեցին կատարումներ հայ եւ համաշխարհային դասականներէն

LEAVE A REPLY

Please enter your comment!
Please enter your name here