Լեւոն Զեքի Ետալեան Հանդիպում Մը Ունեցաւ Սուրիոյ Վարչապետին Հետ

0
119

Հայ-սուրիական գործարարներու խորհուրդի նախագահ, Սուրիոյ առեւտրական գրասենեակներու միութեան տնօրէն խորհուրդի անդամ, Հալէպի առեւտրական գրասենեակի տնօրէն խորհուրդի անդամ, ինչպէս նաեւ Արաբ-պելճիքական (եւրոպական) առեւտրական տնօրէն- խորհուրդի անդամ Լեւոն Զեքի Ետալեան հանդիպում մը ունեցաւ Սուրիոյ վարչապետ Ուաէլ Հալքիի հետ:

Հանդիպումին ընթացքին քննարկուեցան Սուրիոյ իրադարձութիւնները, ինչպէս նաեւ երկրին տնտեսութեան եւ Սուրիա-Հայաստան երկկողմանի յարաբերութիւններուն վերաբերող հարցեր:

Ետալեան շեշտեց, որ հակառակ Սուրիոյ դիմագրաւած ծանր տագնապին, որ աւելի քան չորսուկէս տարիէ ի վեր կը ճնշէ երկրին, Սուրիա տակաւին ունի իր առաջնահերթութիւնները, որոնք իր քաղաքացիներուն ապրուստի հարցերուն լուծումն ու գործարարներուն եւ սահմանամերձ երկիրներուն հետ յարաբերութիւններուն պահպանումն են:

Ան նշեց, որ ինք Հալքիի մօտ շօշափած է յանձնառութիւն` Սուրիա-Հայաստան եղբայրական յարաբերութիւնները պահպանելու եւ զանոնք իրենց ճշգրիտ հունին մէջ զետեղելու առումով:

Ետալեան հանդիպումներ ունեցաւ նաեւ  Սուրիոյ Կեդրոնական դրամատան կառավարիչ Ատիպ Մայալէի, արտաքին տնտեսութեան եւ առեւտուրի նախարար Համամ Ժազայիրիի եւ ներքին առեւտուրի եւ սպառողներու պաշտպանութեան նախարար Ժամալ Շահինի հետ:

 

LEAVE A REPLY

Please enter your comment!
Please enter your name here