«Յոյս Ունիմ՝ ՄԻԵԴը Չեղեալ Կը Նկատէ Հայոց Ցեղասպանութեան Մասին Յայտարարութիւնը». Ճեֆրի Ռոպըրթսըն

0
107

ԵՐԵՒԱՆ, «Նիուզ».– Բրիտանացի յայտնի իրաւապաշտպան, փաստաբան Ճեֆըրի Ռոպըրթսըն յոյս ունի, որ Մարդու իրաւունքներու եւրոպական դատարանը չեղեալ կը նկատէ երեք ստորադրեալ դատարաններուն՝ Հայոց Ցեղասպանութեան փաստը կասկածի տակ դրած անպատասխանատու յայտարարութիւնները: «Նիուզ»ի հետ ունեցած զրոյցին ընթացքին փաստաբանը «Փերինչեքը ընդդէմ Զուիցերիա» գործով յառաջիկայ դատալսման շուրջ ակնկալութիւնները կիսած է:

Անոր համաձայն՝ Հայաստանի կառավարութեան կողմէ ինք այս գործով Ամալ Քլունիի հետ պիտի գործակցի, որպէսզի «հերքուի Ցեղասպանութեան մասին այդ յիմար մեկնաբանութիւնը»:
Ճեֆրի Ռոպըրթըն այն կարծիքին է, որ Փերինչեքի գործով դատարանի որոշումը մեծ նշանակութիւն չունի, եթէ դատարանը չվճռէ, որ խօսքի ազատութիւնը կրնայ քրէականօրէն պատժելի ըլլալ, եթէ անիկա բռնութիւն եւ ցեղասպաշտական ատելութիւն կը հրահրէ:
«Նման վճիռ մը հարուած պիտի ըլլայ Թուրքիոյ Քրէական օրէնսգիրքի 301րդ յօդուածին, որով Թուրքիոյ բազմաթիւ հայեր, որոնց կարգին Հրանդ Տինք, այդ երկրին մէջ պատասխանատուութեան կանչուած են Հայոց Ցեղասպանութեան մասին ճշմարտութիւնը ըսելնուն համար», յայտնած է փաստաբանը։

LEAVE A REPLY

Please enter your comment!
Please enter your name here