Քէպէքի Ազգային Ժողովին Խնդրագիր Նեկայացուած Է Ցեղասպանութեան Ուսուցումը Դպրոցներուն Մէջ Պարտադիր Դարձնելու Համար

0
195

Քէպէքի Ազգային ժողովի պաշտօնական կայքը խնդրագիր մը հրապարակած է ցեղասպանութեան պատմութեան ուսուցումը Քէպէքի  աւագ դպրոցներուն մէջ պարտադիր դարձնելու վերաբերեալ:

Խնդրագիրին բնագիրին մէջ, ըստ armeniangenocide100.org-ի, մասնաւորապէս, ըսուած է.

«Հաշուի առնելով, որ ցեղային եւ մշակութային անհանդուրժողականութիւնը եւ խտրականութիւնը նախապայմաններ կը հանդիսանան ցեղասպանութեան իրականացման համար, որ կը սահմանուի որպէս ցեղային, էթնիկ կամ մշակութային խումբի զանգուածային ոչնչացում,

«հաշուի առնելով, որ կրթութիւնը առանցքային դեր ունի խտրականութիւնը եւ ատելութեան գործողութիւնները մեր երիտասարդութեան մէջ ճանչցնելու եւ կանխելու, եւ այն, որ ցեղասպանութիւններու մասին գիտելիքը էական դեր ունի նման գործողութիւնները ապագային կանխելու համար,

«հաշուի առնելով, որ Քէպէքի մէջ մեծ թիւով աշակերտներ չունին որեւէ գիտելիք անցեալի ու ներկայի ցեղասպանութիւններուն վերաբերեալ` ներառեալ Հոլոքոսթը, Հայոց ցեղասպանութիւնը, Ռուանտայի ցեղասպանութիւնը եւ մեր Առաջին ազգերու (Գանատայի բնիկ հնդիկներ – ArmenianGenocide100.org) մշակութային ցեղասպանութիւնը,

«հաշուի առնելով, որ ցեղասպանութեան պատմութեան ուսուցումը Գանատայի աւագ դպրոցներու ուսումնական ծրագրին մէջ ներկայիս պարտադիր չէ, եւ որ Ցեղասպանութեան պարտադիր ուսուցման հիմնադրութիւնը կրնայ նման դասընթացք տրամադրել դպրոցներուն մէջ իրականացնելու համար,

«մենք` ներքոստորագրեալներս, կը խնդրենք Ազգային ժողովէն եւ Կրթութեան նախարարէն, որպէսզի ան Քէպէքի բոլոր աւագ դպրոցներուն մէջ ցեղասպանութեան պատմութեան ուսուցումը պարտադիր դարձնէ` որպէս միջոց հանդուրժող եւ խաղաղ հասարակութիւն ստեղծելու, որ կ՛ընդունի բոլոր մշակոյթները եւ կրօնները»:

LEAVE A REPLY

Please enter your comment!
Please enter your name here