Ֆրանքֆորթի Գիրքի Ցուցահանդէսին Կը Ներկայացուին Հայկական Նիւթերով Նոր Ուսումնասիրութիւններ

0
153

Գերմանիոյ Ֆրանքֆորթ քաղաքի` աշխարհի մէջ իր տեսակին մէջ մեծագոյնը եղող գիրքի այս տարուան ցուցահանդէսին ընթացքին ցուցադրուած են Հայաստանի մասին այս տարի հրատարակուած բազմաթիւ գերմաներէն ուսումնասիրութիւններ:

Անոնց շարքին են Միխայէլ Հեսմանի «Հայոց ցեղասպանութիւն»-ը գիրքը, որուն մէջ ան կը ներկայացնէ Վատիկանի գաղտնի արխիւներէն մինչեւ օրս չհրապարակուած փաստաթուղթեր, Եուրկեն Կոթշլիխի «Ցեղասպանութեան մեղսակից»-ը, որ գերմանական բանակի դերակատարութեան շուրջ մանրամասն հետազօտութիւն մըն է: Այլ նոր հրատարակութիւն մըն է «Հայոց ցեղասպանութիւնը գերմաներէնով մամուլին մէջ 1912-1922» գիրքը, որուն հեղինակն է Երուանդ Ֆիգիգեան:

Ֆրանքֆուրթի գիրքի ցուցահանդէսին ցուցադրուած գիրքերուն շարքին է Միհրան Տապաղի եւ Քրիսթին Փլաթի «Կորուստ եւ ժառանգ. Հայոց ցեղասպանութենէն վերապրողները կը վերյիշեն» գիրքը, որուն մէջ ներառուած են 80-էն 95 տարեկան հայերու հետ 1989-էն 1996-ի միջեւ Ֆրանսայի, Հոլանտայի, Իտալիոյ եւ Կիպրոսի մէջ կատարուած 140 հարցազրոյցներ:

Այս տարի ներկայացուած նոր գիրքերուն շարքին է նաեւ Պարոյր Սեւակէն 28 բանաստեղծութիւններու գերմաներէն թարգմանութիւնը:

LEAVE A REPLY

Please enter your comment!
Please enter your name here