Վիեթնամ Հայոց Ցեղասպանութեան Ճանաչման Կարելիութիւնը Կը Քննէ

0
125

ԵՐԵՒԱՆ, «Նիուզ».- Վիեթնամ սկսած է քննարկելու Հայոց Ցեղասպանութեան ճանաչման կարելիութիւնը. այս մասին յայտնեց Վիեթնամի արդարադատութեան նախարար Հա Եունկ Քունկ՝ Միջազգային յարաբերութիւններու Մոսկուայի պետական հիմնարկի շրջանաւարտներու միջազգային երրորդ համաժողովի ծիրէն ներս՝ Ծիծեռնակաբերդ կատարած այցէն ետք։

«Կը քննարկենք Հայոց Ցեղասպանութեան ճանաչման հարցը: Ընդհանուր առմամբ, Վիեթնամ կը դատապարտէ որեւէ ազգի դէմ իրականացուած ցեղասպանութիւն», յայտնեց նախարարը:

Անդրադառնալով Երեւանի եւ Հանոյի միջեւ յարաբերութիւններուն՝ Հա Եունկ Քունկ նշեց, որ երկու երկիրներուն միջեւ միշտ բարեկամական յարաբերութիւններ եղած են, իսկ Վիեթնամի պատերազմի տարիներուն Հայաստան օգնած է աւելի քան 1000 զինուորներու նախապատրաստման գործին: Անոնցմէ շատերը մինչ օրս կ՛աշխատին պետական համակարգէն ներս կամ տարբեր կազմակերպութիւններու մէջ: «Ասիկա մեր յարաբերութիւններու ժառանգութեան մէջ մեծ ներդրում է, զոր պէտք է այսուհետեւ եւս զարգացնել», ամփոփեց նախարարը:

LEAVE A REPLY

Please enter your comment!
Please enter your name here