Շարժապատկերի «Արփա» Միջազգային 18-րդ Փառատօնը՝ Նոյեմբեր 13-15-ին

0
131

Շարժապատկերի, երաժշտութեան եւ արուեստի «Արփա» հիմնարկին (AFFMA) նախաձեռնութեամբ, Ուրբաթ, Նոյեմբեր 13-ին Հոլիուտի մէջ պիտի մեկնարկէ այս տարուան «Արփա» շարժապատկերի միջազգային 18-րդ փառատօնը, որուն կը մասնակցին 23 երկիրներէ ֆիլմեր, կը հաղորդէ «Ասպարէզ»-ը:

Փառատօնը պիտի սկսի Հայոց Ցեղասպանութեան մասին թրքական արտադրութեամբ՝ «Կորսուած Թռչուններ» ֆիլմի անդրանիկ ցուցադրութեամբ։

Փառատօնին զուգահեռ, այս տարի, Քալիֆորնիոյ նահանգային համալսարանի Նորթրիճի մասնաճիւղին հետ գործակցաբար, նոյն համալսարանին մէջ տեղի պիտի ունենայ նաեւ այդ համալսարանի ուսանողներուն կարճ ֆիլմերու ցուցադրութիւնը, Նոյեմբեր 9-ին, երեկոյեան ժամը 7։30-էն սկսեալ։

Ամբողջական յայտագիրը տեսնելու կամ տեղեր ապահովելու համար, այցելել Arpafilmfestival.com կայքը:

LEAVE A REPLY

Please enter your comment!
Please enter your name here