Թուրքիոյ նոր խորհրդարանը դարձեալ երեք հայ երեսփոխան պիտի ունենայ

0
104

ԵՐԵՒԱՆ, «Նիուզ».- Կիրակի, Նոյեմբեր 1ին կայացած Թուրքիոյ խորհրդարանական արտակարգ ընտրութիւններու արդիւնքներէն ի յայտ դարձած է, որ երեք կուսակցութիւններէ ներկայացուած հայ թեկնածուները դարձեալ երեսփոխան պիտի  դառնան:

Պոլսոյ 2րդ ընտրատարածքին մէջ, քեմալական Հանրապետական ժողովրդային կուսակցութեան ընտրական ցուցակին մէջ առաջին դիրքը գրաւած հայազգի Սելինա Տողան պատգամաւոր վերընտրուած է, ինչպէս նաեւ նոյն ընտրատարածքին մէջ իշխող Արդարութիւն եւ բարգաւաճում կուսակցութեան ընտրացուցակին մէջ 14րդ դիրքին վրայ գտնուող Մարգար Եսայեանը եւս վերընտրուած է:

Նաեւ, Պոլսոյ 3րդ ընտրատարածքին մէջ, քրտամէտ Ժողովուրդներու ժողովրդավարութիւն կուսակցութեան ընտրացուցակին մէջ 2րդ տեղը գրաւած Կարօ (Կարապետ) Փայլանը կրկին պատգամաւոր դարձած է:

LEAVE A REPLY

Please enter your comment!
Please enter your name here