Վիգէն Չալտրանեանի «Վարդապետի Լռութիւնը» ժապաւէնին անդրանիկ ցուցադրութիւնը` Դեկտեմբեր 25-ին

0
146

Բեմադրիչ Վիգէն Չալդրանեանի «Վարդապետի լռութիւնը» ֆիլմին անդրանիկ ցուցադրութիւնը պիտի կայանայ Դեկտեմբեր 25-ին «Մոսկուա» կինոթատրոնին մէջ: Panorama.am-ին տեղեկացուց ֆիլմի գործադիր արտադրող Սահականոյշ Սահակեանը: Ան նշած է, որ այժմ կը կատարուին վերջնական ճշգրտումները, մակագրութիւններն ու ենթագիրները:

«Վարդապետի լռութիւնը» խաղարկային ֆիլմը Կոմիտասի մասին է, նուիրուած է Հայոց ցեղասպանութեան 100-րդ տարելիցին: Ֆիլմը նկարահանուած է Հայաստանի ազգային կինոկեդրոնի աջակցութեամբ:

Ֆիլմին հերոսը ժամանակակից ճանչցուած գրող է եւ համալսարանի Լրագրութեան բաժանմունքի դասախօս: Ան մտասեւեռուած է Կոմիտաս վարդապետի մասին վէպի ստեղծման վրայ: Վէպին ճշմարտացիութիւն հաղորդելու նպատակաով հերոսը կը փորձէ անցնիլ իր գրական կերպարի տառապանքի քառուղիներով: Հիմնուելով պատմական փաստերու, արխիւային նիւթերու, հոգեբանական վարկածներու վրայ` հերոսը կը փորձէ բացայայտել Կոմիտաս վարդապետի կենսագրութեան փարիզեան շրջանը, վեր հանել Վիլ-ժուիֆ մեկուսարանին մէջ մեծ հայորդիին կեանքի վերջին տարիներուն առեղծուածը…

Ֆիլմի նկարահանումները մեկնարկած էին 2014-ի աշնան: Նկարահանումները տեղի ունեցած են Հայաստանի (Արզնի, Երեւան) եւ արտերկրի (Ֆրանսա, Չինաստան) մէջ: Ֆիլմին երաժշտութեան հեղինակն է Վաչէ Շարաֆեանը:

LEAVE A REPLY

Please enter your comment!
Please enter your name here