Մոսկուայի մէջ կը մեկնարկեն ՀԱՊԿ-¬ի եւ ԵԱԲՏԽ-¬ի գագաթնաժողովները

0
147

Մոսկուայի մէջ կը մեկնարկեն ՀԱՊԿ-­ի Հաւաքական անվտանգութեան խորհուրդի նստաշրջանը եւ Եւրասիական բարձրագոյն տնտեսական խորհուրդի նիստը։ Այս մասին կը հաղորդէ Armenpress.am-ը՝ վկայակոչելով TASS տեղեկատուականը:

ՌԴ նախագահի օգնական Եուրի Ուշագովը լրագրողներուն յայտնած է, թէ ՀԱՊԿ-­ի գագաթնաժողովի օրակարգին հիմնական հարցը պիտի դառնայ կազմակերպութեան գլխաւոր քարտուղարի եւ միւս պաշտօնատարներու շրջափոխման կարգը: Կրեմլի ներկայացուցիչը չէ բացառած, որ գլխաւոր քարտուղարի պաշտօնը պիտի կարենայ զբաղցնել Հայաստանի ներկայացուցիչը, քանի որ շրջափոխումը պիտի կատարուի այբբենական կարգով:

Նաեւ կ՝ակնկալուի, որ ղեկավարները յայտարարութիւն ընդունին ահաբեկչութեան դէմ պայքարին վերաբերեալ: Գագաթնաժողովի միւս թեմաները պիտի ըլլան ահաբեկչական եւ ծայրայեղական խմբաւորումներու աշխոյժացումը, ինչպէս նաեւ իրադրութեան ապակայունացումը ՀԱՊԿ-­ի սահմաններուն մօտ:

ԵԱԲՏԽ-­ի նիստին ղեկավարները պիտի ամփոփեն Միութեան աշխատանքի առաջին տարուան արդիւնքները: Նաեւ պիտի քննարկուի Եւրասիական տնտեսական յանձնաժողովի նոր աշխատակազմը: Անոր ղեկավարի պաշտօնին համար նախապէս համաձայնեցուած է Հայաստանի նախկին վարչապետ Տիգրան Սարգսեանի թեկնածութիւնը: Կ՛ենթադրուի նաեւ, որ աշխատակազմի մէջ ԵԱՏՄ-ի իւրաքանչիւր երկիր այսուհետեւ ներկայացնեն ոչ թէ երեք, այլ՝ երկու մարդ: Գագաթնաժողովի թեմաներէն մէկը պիտի դառնայ համագործակցութիւնը միւս երկիրներուն հետ:

Կրեմլի ներկայացուցիչը նշած է, որ ՀԱՊԿ-­ի եւ ԵԱԲՏԽ-­ի գագաթնաժողովներուն պիտի քննարկուին յարաբերութիւնները Ուքրանիոյ եւ Թուրքիոյ հետ:

LEAVE A REPLY

Please enter your comment!
Please enter your name here