ՀՀ Նախագահ Սարգսեան Մոսկուայի մէջ վարեց ՀԱՊԿ- Հաւաքական Անվտանգութեան Խորհուրդի նստաշրջանը

0
111

Աշխատանքային այցով Ռուսիա գտնուող նախագահ Սերժ Սարգսեան Դեկտեմբեր 21-ին Մոսկուայի մէջ կը մասնակցի Հաւաքական անվտանգութեան պայմանագրի կազմակերպութեան (ՀԱՊԿ) Հաւաքական անվտանգութեան խորհուրդի նստաշրջանին:

ՀՀ նախագահի աշխատակազմի հասարակայնութեան եւ տեղեկատուութեան միջոցներու հետ կապերու վարչութեան փոխանցմամբ`  հիւրընկալող երկրի` Ռուսիոյ նախագահ Վլատիմիր Փութին նստաշրջանի սկիզբը ողջոյնի խօսք յղած է մասնակիցներուն՝ մաղթելով արդիւնաւէտ աշխատանք, որմէ ետք նստաշրջանը վարած է ՀԱՊԿ-ի նախագահութիւնը ստանձնած Հայաստանի Հանրապետութեան նախագահ Սերժ Սարգսեան:

Բանակցութիւնները այժմ կ՛ընթանան նեղ կազմով` Ռուսիոյ, Պելառուսիոյ, Ղազախիստանի, Հայաստանի, Խրխզիստանի, Տաճիկիստանի նախագահներուն եւ Կազմակերպութեան գլխաւոր քարտուղարի մասնակցութեամբ, որմէ ետք ՀԱՊԿ անդամ պետութիւններու ղեկավարները նիստը պիտի շարունակեն ընդլայնուած ձեւաչափով` պատուիրակութիւններու անդամներուն մասնակցութեամբ:

ՀԱՊԿ Հաւաքական անվտանգութեան խորհուրդի լիագումար նիստի ընթացքին պիտի ստորագրուին շարք մը փաստաթուղթեր, որոնց շարքին` Հաւաքական անվտանգութեան պայմանագրի կազմակերպութեան անդամ պետութիւններու ղեկավարներու յայտարարութիւնը ` միջազգային ահաբեկչութեան հակազդելու մասին, ՀԱՊԿ Հաւաքական անվտանգութեան խորհուրդի «Հաւաքական անվտանգութեան պայմանագրի կազմակերպութեան գլխաւոր քարտուղարի մասին», «Հաւաքական անվտանգութեան պայմանագրի կազմակերպութեան մշտապէս գործող աշխատանքային մարմիններու պաշտօնատար անձերու յարջորդականութեան մասին» որոշումներու նախագիծերը:

Օրակարգի ծիրին մէջ ՀԱՊԿ անդամ պետութիւններու ղեկավարները մտքեր պիտի փոխանակեն աշխարհի մէջ ընթացիկ իրավիճակի եւ կազմակերպութեան յետագայ գործողութիւններու շուրջ:

LEAVE A REPLY

Please enter your comment!
Please enter your name here