«Քոնան Հայաստանի Մէջ» հաղորդումը ընկերութեան իւրօրինակ պատմութիւն էր. Paste magazine

0
113

Ամերիկեան յայտնի «Քոնան» հեռուսահաղորդման` Հայաստանի մասին պատմող հաղորդումը արտասահմանի մէջ նկարուած կատակերգութիւն չէր միայն: Անիկա պատմութիւն մըն էր ընկերութեան եւ կարեկցանքի մասին` երկրի մը մէջ, որուն այդքան քիչ տեղ կը յատկացուի ամերիկեան հեռուստաընկերութիւններուն մէջ: Ինչպէս կը հաղորդէ «Արմենփրես»-­ը, այս մասին pastemagazine.com­-ի մէջ կը գրէ Լիզ Օհանեսեան` անդրադառնալով Քոնան Օ’պրայընի եւ անոր օգնականին` Սոնային` Հայաստան կատարած այցելութեան:

«Ինչպէս Սոնան, ես ալ ազգութեամբ հայ եմ, սակայն երբեք Հայաստան չեմ մեկնած եւ Լոս Անճելըսը իմ տունս կը համարեմ: Բոլոր անոնց համար, որոնք կը կիսեն մեր այս ժառանգութիւնը, Հայաստանը ուղղութիւն մըն է` եթէ ոչ ապրելու, ապա գոնէ այցելելու համար: Ան ֆիզիկական հայրենիքն է բոլոր անոնց համար, որոնք գրեթէ ոչնչացուեցան 1915 թուականի Ցեղասպանութեան ժամանակ»,-­ կը գրէ Լիզ Օհանեսեան` պատմելով, որ «Քոնան Հայաստանի մէջ» հաղորդումը կը պատմէ երկու միահիւսուող պատմութիւն: Մէկը Քոնանի պատմութիւնն է, որ կը մտնէ իրեն համար անծանօթ մշակոյթ, իսկ միւսը Սոնային պատմութիւնն է, որ մեծցած է այդ մշակոյթով, սակայն չէ եղած հոն, ուր իր արմատներն են:

Հաղորդման եզրափակիչ հատուածը Հայոց ցեղասպանութեան յուշահամալիր այցելութիւնն է, ուր Սոնան Քոնանին կը պատմէ Ցեղասպանութեան մասին եւ չի կրնար զսպել արցունքները, երբ կը ներկայացնէ իր ընտանիքին պատմութիւնը: «Այս դրուագը որոշիչ նշանակութիւն կ՛ունենայ այցի առարկայացման համար: Անիկա կը բացատրէ, թէ ինչու յառաջացած է սփիւռքը, եւ թէ ինչու Հայաստան ուղեւորութիւնը դարձած իւրօրինակ ուխտագնացութիւն ողջ աշխարհի էթնիկ հայերուն համար»,- կը­ նշէ Օհանեսեան:

LEAVE A REPLY

Please enter your comment!
Please enter your name here