Ռուսիա Եւ Հայաստան Միաւորեցին ՀՕՊ-ի Համակարգերը Կովկասեան Տարածաշրջանին Մէջ

0
117

Հայաստանի պաշտպանութեան նախարար Սէյրան Օհանեան Ռուսիոյ իր պաշտօնակից Սերկէյ Շոյկույի հետ Դեկտեմբեր 23-ին Մոսկուայի մէջ համաձայնագիր ստորագրած են հաւաքական անվտանգութեան կովկասեան տարածաշրջանին մէջ հակաօդային պաշտպանութեան (ՀՕՊ) միացեալ տարածաշրջանային համակարգի ստեղծման մասին:

ՌԻԱ Նովոսթիի փոխանցմամբ` փաստաթուղթի ստորագրումը տեղի ունեցած է նախարարներուն երկկողմ հանդիպումէն ետք: Նաեւ ստորագրուած է 2016 թուականին Ռուսիոյ եւ Հայաստանի պաշտպանութեան նախարարութիւններու համագործակցութեան ծրագիրը:

Ներկայիս Ռուսիա ՀՕՊ-ի միացեալ տարածաշրջանային համակարգերու ստեղծման ուղղութեամբ կ՛աշխատի Խրխզիստանի եւ Տաճիկիստանի հետ: Ղազախստանի հետ ՀՕՊ-ի համակարգի ստեղծման համաձայնագիրը ստորագրուած է 2013 թուականին, Պելառուսիոյ հետ Ռուսիոյ ՀՕՊ-ի համակարգը արդէն միաւորուած Է:

Ինչպէս նախապէս հաղորդուած է, ԱՊՀ-ի պաշտպանութեան նախարարներու խորհուրդը տարածաշրջանային սկզբունքով Համագործակցութեան երկիրներու հակաօդային պաշտպանութեան ուժերու ընդելուզումը կը համարէ ԱՊՀ-ի ՀՕՊ-ի միացեալ համակարգի զարգացման կարեւորագոյն ուղղութիւնը:

LEAVE A REPLY

Please enter your comment!
Please enter your name here