ԱԶԱՏԱՄԱՐՏԻԿ ԼԵՒՈՆ ԷՔՄԵՔՃԵԱՆԻ ԱՃԻՒՆԸ ՅԱՆՁՆՈՒԵՑԱՒ ԱՆՈՐ ՀԱՐԱԶԱՏՆԵՐՈՒՆ

0
204

Անգարայի Էսենպողայի օդակայանին մէջ գործողութիւն կատարելու միջոցին ձերբակալուած եւ մահապատիժի ենթարկուած Հայաստանի Ազատագրիութեան Հայ Գաղտնի Բանակի մարտիկ Լեւոն Էքմեքճեանի աճիւնը երկար եւ բարդ աշխատանքներու լոյսին տակ, Թուրքիայէն փոխադրուեցաւ Ֆրանսա:

Թուրք ծանօթ փաստաբան Էրէն Քեսկին յայտնեց, թէ Մարդկային Իրաւանց Պաշտպանութեան միջազգային  կազմակերպութեան  Իսթանպուլի մասնաճիւղին ջանքերով Լեւոն Էքմեքճեանի մարմինը յանձնուեցաւ Ֆրանսա բնակող անոր հարազատներուն:

Էրէն Քեսկին նշեց, թէ տեղափոխութեան գործընթացի մասին տեղեկութիւնները պիտի հաղորդուին յառաջիկային: Սկզբունքով, Հինգշաբթի, 7 Յունուար 2016-ին, մամլոյ ասուլիս մը տեղի պիտի ունենայ Մարդկային Իրաւանց Պաշտպանութեան Իսթանպուլի կեդրոնին մէջ:

Նշենք, թէ 7 Օգոստոս 1982-ին, Հայաստանի Ազատագրութեան Հայ Գաղտնի Բանակի «Խրիմեան Հայրիկ« անձնասպանական գործողութիւններու ջոկատը, Անգարաի Էսենպողայի օդակայանին մէջ կատարեց «Կարին» գործողութիւնը: Գործողութեան ընթացքին, ջոկատի հրամանատար Զոհրապ Սարգսեան, զինամթերքը սպառելէ ետք, անձնասպան դարձաւ: Լեւոն Էքմեքճեան վիրաւորուելով, ձերբակալուեցաւ:

 

LEAVE A REPLY

Please enter your comment!
Please enter your name here