«ԱԶԴԱԿ » ամանորեան բացառիկի շնորհահանդէս

0
146

Սալբի Գասպարեան

Երէկ երեկոյեան Պէյրութի ՓԻՒՆԻԿ սրահին մէջ տեղի ունեցաւ ԱԶԴԱԿ օրաթերթի ամանորեան բացառիկ թիւի շնորհահանդէսը… 89 տարիներէ ի վեր հայ մամուլի պատնէշին վրայ գտնուող ԱԶԴԱԿ-ը , այսօր ի հեճուկս իր դէմ ցցուած բազում դժուարութիւններու , կը շարունակէ իր արժանապատիւ երթը, դառնալով ո’չ միայն հայ գոյերթի կարեւորագոյն կռուաններէն մէկը, այլ արխիւ եւ շտեմարան յետ եղեռնի տարագիր հայութեան պատմագրութեան… Լիբանանահայ մտաւորական ընտրանին ի մի բերած շնորհահանդէսը՝ ցուցանիշ էր հայ մտքի եւ գրիչի նուիրեալներու միասնականութեան տեսլականին: Հայ մշակոյթի մեծանուն բարերար Ալեքքօ Պէզիքեանի հովանաւորութեամբ լոյս տեսած ԱԶԴԱԿ ԲԱՑԱՌԻԿ-ի 245րդ թիւը, կը խտացնէ հայ սփիւռքի զանազան երկիրներու մէջ հայ մամուլին ծառայող 36 գրչակիցներու յոյժ կարեւոր քաղաքական, մշակութային , գրական եւ այլ բնագաւառներ շօշափող յօդուածները, ուսումնասիրութիւնները , ակնարկներն ու դիտումները … Խմբագրապետ Շահան Գանտահարեանի անմիջական հսկողութեամբ եւ յոյլ մը աշխատակից-գործակիցներու նուիրումով հրատարակուող ԱԶԴԱԿ-ը , հաստատակամութեամբ կը դիմէ դէպի իր 90ամեակը, միշտ վառ պահելով փապուղիին կանթեղը… Հպարտ եմ եւ ինքնագոհ, որ կաթիլ մը մելան կը հոսեցնեմ անոր ծովուն մէջ… Հայ մամուլը ո’չ միայն կուտայ լուր եւ լրատուութիւն , այլ կուտայ հայութիւն … Փառք ու պատիւ հայ թերթին, որուն զինուորագրեալներէն մէկը ըլլալուս երջանկութիւնը առաւել եւս կ’իմաստաւորէ կեանքս եւ հայ ինքնութեանս խորհուրդ խորինը …

LEAVE A REPLY

Please enter your comment!
Please enter your name here