Սուրիոյ Վերաբերեալ Ժընեւի Մէջ ԱյսօրԿը Կայանայ Ռուսիա-Միացեալ Նահանգներ-ՄԱԿ Հանդիպում

0
128

ՄԱԿ-ի ժընեւեան կեդրոնատեղիէն հաստատած են, որ 13 Յունուարին Ժընեւի մէջ կը նախատեսուի Սուրիոյ շուրջ հանդիպում` ՄԱԿ-ի, Ռուսիոյ եւ Միացեալ Նահանգներու մասնակցութեամբ: Այս մասին կը հաղորդէ TASS լրատու գործակալութիւնը։

ՄԱԿ-ի բանբեր Ահմետ Ֆաուզի լրագրողներուն յայտնած է, որ ինք տեղեկութիւն ունի, որ «եռակողմ հանդիպումը Ժընեւի մէջ տեղի պիտի ունենայ 13 Յունուարին` Միացեալ Նահանգներու, Ռուսիոյ եւ ՄԱԿ-ի մասնակցութեամբ»:

Նոյն ատեն, ըստ անոր, առայժմ տեղեկութիւններ չկան ներկայացուցչութեան մակարդակին վերաբերեալ: «Թէ ի՛նչ մակարդակով տեղի պիտի ունենայ հանդիպումը, հետագայ հաստատման կարիք ունի: Մենք լսած ենք, որ անիկա կրնայ ըլլալ նախարարական մակարդակ` Միացեալ Նահանգներու արտաքին գործոց նախարար Ճոն Քերրիի, Ռուսիոյ արտաքին գործոց նախարար Սերկէյ Լաւրովի եւ ՄԱԿ-ի ընդհանուր քարտուղարի յատուկ պատուիրակ Սթեֆան տը Միսթուրայի մասնակցութեամբ: Մենք ատիկա չենք գիտեր: Ո՞ւր տեղի պիտի ունենայ հանդիպումը` ՄԱԿ-ի կեդրոնատեղիին մէ՞ջ, թէ՞ այլ տեղ, մենք նոյնպէս չենք գիտեր: Մակարդակը չէ յայտարարուած եւ վայրն ալ չէ յայտարարուած»,- ըսած է Ֆաուզի:

LEAVE A REPLY

Please enter your comment!
Please enter your name here