Հրանդ Տինքի Սպանութեան Իրական Պատճառները Պէտք Է Փնտռել Անոր Համարձակ Ելոյթներուն Մէջ

0
166

Պոլսահայ մտաւորական Հրանդ Տինքի սպանութեան իրական պատճառները պէտք է փնտռել անոր համարձակ ելոյթներուն մէջ, ուր ան կը դատապարտէր Թուրքիոյ մէջ մարդու իրաւունքներու, ազատ խօսքի սահմանափակումը, ժողովուրդներու փոխըմբռնման բացակայութիւնը: Այս մասին լրագրողներու հետ զրոյցի ընթացքին նշած է ԵՊՀ պատմութեան բաժանմունքի տնօրէն, պատմական գիտութիւններու դոկտոր, փրոֆէսոր Էդիկ Մինասեան:

«9 տարի առաջ կատարուեց մեծ ողբերգութիւն, որը Թուրքիայում կատակերգութեան է վերածուել: 9 տարի է անցել: Սպաննուել է մի մարդ, որը նուիրուել է ժողովրդավարացման, մարդու իրաւունքների, ազատ խօսքի, թուրքահայ համայնքի պաշտպանութեանը: Տինքը նուիրեալ հայորդի էր, ով իր ուշադրութիւնը սեւեռել էր պատմական արդարութեան վերականգնման խնդիրներին»,-­ «Արմենփրես»-­ի փոխանցմամբ` նշած Էդիկ Մինասեան:

ԵՊՀ պատմութեան բաժանմունքի տնօրէնին խօսքով` Տինքի սպանութիւնը իրականացուցած եւ դէպքէն քանի մը օր անց ձերբակալուած է ազգայնական կազմակերպութեան անդամ 17­ամեայ Օկիւն Սամասթը, որ մեղադրուած է յանցագործութեան մէջ:

«Դատավարութիւնը շարունակուեց 5 տարի` բազմաթիւ քննադատութիւններով, ձերբակալութիւններով, բայց այդպէս էլ իսկական կազմակերպիչը չյայտնաբերուեց: Այսօր էլ գործընթացը շարունակւում է: Թուրքական մամուլում քննարկւում էր այն խնդիրը, թէ որն էր սպանութեան պատճառը, տարբեր կարծիքներ կային: Ես կասկածում եմ, որ մինչեւ վերջ կը բացայայտուի դէպքը, նոր ձերբակալութիւնները ժամանակ շահելու, հասարակութեան աչքին թօզ փչելու միջոց են: Այսօրուայ Թուրքիան մարդու իրաւուքնների ոտնահարման իր քայլերով ցոյց է տալիս, որ բացայայտումներ չեն լինի, եւ կազմակերպիչները դատարանի առջեւ չեն կանգնի»,- ­շեշտած է Էդիկ Մինասեան:

Գրող, լրագրող Հրանդ Տինք ծնած է 1954-ին Մալաթիա քաղաքը: 7 տարեկանին ծնողներուն հետ տեղափոխուած է Սթամպուլ, ուր յաճախած է Պեզճեան վարժարանը, այնուհետեւ` Սուրբ Խաչ դպրեվանքը: 1978-ին աւարտած է Սթամպուլի պետական համալսարանի կենսաբանութեան, 1987-ին` փիլիսոփայութեան բաժանմունքները: Զինուորական ծառայութենէն ետք աշխատած է որպէս լրագրող: 1996-ին Սթամպուլի մէջ հիմնած է «Ակօս» թերթը` նպատակ ունենալով ներկայացնել թրքահայութեան ծայրայեղ մեկուսացուածութիւնը, դառնալ անոր խօսափողն ու իրաւունքներու պաշտպանը, հաշտարար օղակ ըլլալ հայ եւ թուրք ժողովուրդներուն միջեւ: Հայոց ցեղասպանութեան հարցով հակադրուելով Թուրքիոյ պաշտօնական տեսակէտին` բազմիցս հալածուած է: Սպաննուած է Սթամպուլի մէջ` թերթին խմբագրատան առջեւ, թուրք ազգայնամոլի հրազէնի մը գնդակով: Տինքի սպանութիւնը բողոքի մեծ ալիք յառաջացուց Թուրքիոյ եւ արտերկրի մէջ: «Ես հայ եմ, ես Հրանդ Տինք եմ» կարգախօսով հազարաւոր մարդիկ դուրս եկան փողոց` ի պաշտպանութիւն Տինքին:

LEAVE A REPLY

Please enter your comment!
Please enter your name here