Արա Կիւլերի Մասին Պատմող Ֆիլմը Պիտի Ներկայացուի Ուաշինկթընի Փառատօնին

0
139

Պոլսահայ աշխարհահռչակ լուսանկարիչ Արա Կիւլերի մասին պատմող վաւերագրական ֆիլմը այս տարուան Մարտ ամսուն պիտի ներկայացուի Ուաշինկթընի փառատօնին:

Ըստ «Էրմենիհապեր»ի՝ «Տէյլի Սապահ»ը կը տեղեկացնէ, որ «Սթամպուլի Աչքը» խորագիրը կրող ֆիլմը կը ներկայացնէ լուսանկարիչի կեանքին եւ աշխատանքներուն դիմանկարը: Ֆիլմի առանցքին Կիւլերի նախապատրաստումն է լուսանկարներու ցուցահանդէսին, աշխատանքներու ընտրութիւնը եւ լուսանկարիչին մտորումները իր արխիւներուն մասին:

Արա Կիւլեր աշխարհահռչակ պոլսահայ լուսանկարիչ-լրագրող է: Յաճախ անոր կը դիմեն «Սթամպուլի աչք» կամ «Սթամպուլի լուսանկարի»չ անուններով: Ան ծնած է Պոլիս, հայկական ընտանիքի մէջ: «Դարու լաւագոյն լուսանկարի»չ տիտղոսակիր Կիւլեր լուսանկարած է այնպիսի աշխարհահռչակ մեծերու, ինչպէս՝ Պերթրանտ Ռասըլ, Ուինսթըն Չերչըլ, Մարք Շակալ, Ալֆրետ Հիչքոք, Թենեսի Ուիլեըմզ, Փապլօ Փիքասօ, Սալվատոր Տալի, Ուիլեըմ Սարոյեան, Սերկէյ Փարաջանով եւ այլք: Անոր լուսանկարչական աշխատանքները կը գտնուին աշխարհի շարք մը թանգարաններու, մասնաւոր եւ ազգային հաւաքածոներու մէջ:

LEAVE A REPLY

Please enter your comment!
Please enter your name here