«Ճատրակի Տէյվիտ Պեքհամը». CNN-ը` Լեւոն Արոնեանի Մասին

0
194

Երբ Լեւոն Արոնեան կը քայլէ իր հարազատ Հայաստանի փողոցներոն մէջ, բոլորը անոր կը ժպտին, կը ստիպեն, որ ճաշարանին մէջ չվճարէ, ծնողները իրենց երեխաները անոր անունով կը կոչեն: Հայ շախմատիստ Լեւոն Արոնեանի մասին ըստ Panarmenian.am-ի՝  գրած է CNN-ը:

Լրատուամիջոցը կը գրէ` Արոնեան դերասան, գործիչ կամ ալ աստղագէտ չէ: Ան շախմատիստ է, աշխարհի մէջ լաւագոյն չորրորդը: Ատիկա կը նշանակէ, որ փոքրիկ, հետխորհրդային երկրին մէջ ան եւս ազգային հերոս է:

«Երբ առաջին անգամ իմ հարսնցուս ժամանեց Հայաստան, մենք կանգնեցանք պենզալցակայանի մօտ: Անոնք ըսին. «Մենք չենք պատրաստուիր ձեզմէ գումար վերցնել»,-լրատուամիջոցին պատմած է օտար մամուլի կողմէ «Հայաստանի Տէյվիտ Պեքհեմ» անունը ստացած 33-ամեայ Արոնեան:

«Հարսնցուիս համար ատիկա մեծ ցնցում ի պէս բան էր, բայց ատիկա կը պատահի ամէն անգամ»,-ըսած է ան:

Հայաստանի մէջ ճատրակը ընդգրկուած է պարտադիր ուսուցման  ենթակայ դպրոցական նիւթերու  շարքին: ՀՀ նախագահ Սերժ Սարգսեանն ալ Ճատրակի ֆետերասիոնի նախագահն է: Ունենալով երեք միլիոն բնակչութիւն, Հայաստան ամենամեծ թիւով  շախմատային կրանտմասթըրներ ունեցող երկիրներու շարքին է: Վերջին հինգ ողիմբիականներու ընթացքին հայաստանեան հաւաքականը, որ կը գլխաւորէ  ազգային կուռք համարուող Արոնեանը, յաղթած է երեք անգամ:

«Ճատրակը նման է միւս մարզաձեւերուն, բայց փոքրիկ վանդակի մէջ դուն ստիպուած ես հասկնալ, ինչպէս կ՛աշխատի ուղեղդ, ինչպէս կը հոսի արիւնդ»,- ըսած է Արոնեան:

Կը նշուի, որ Արոնեան  կառավարութեան կողմէ կը ստանոայ խորհրդանշական գումար` ամսական 120 տոլար, սա միւս երկիրներուն համեմատ շատ փոքր գումար է: Բայց շախմատի նկատմամբ իրական սէրը տեսնելու համար պէտք է շրջիլ Հայաստանի փողոցներով:

«Դուք կը տեսնէք, որ մարդիկ շախմատ կը խաղան սրճարաններուն, այգիներուն մէջ, ընտանեկան հաւաքոյթներու ընթացքին»,- ըսած է փրոֆէսոր Արամ Հաջեանը, որ Ճատրակի ակադեմիայի համահիմնադիրներէն է:

Լրատուամիջոցը կը գրէ, որ Հայաստանի մէջ ճատրակի նախահայրը Տիգրան Պետրոսեանն է, որ 1960-ականներուն շախմատի աշխարհի ախոյեան էր, եւ ճատրակի նկատմամբ ժամանակակից սիրոյ համար ան է «մեղաւորը»:

LEAVE A REPLY

Please enter your comment!
Please enter your name here