Մահացած Է Եգիպտական Բեմի «Հրաշամանուկ» Հայուհին

0
209

Եգիպտոսի մէջ մահացած է եգիպտական կինոյի հայ դերասանուհի, երգչուհի Ֆէյրուզը: Այս մասին կը յայտնէ եգիպտական Daily NEWS պարբերականը:

Պարբերականին հաղորդմամբ` 73-ամեայ Ֆէյրուըն ունէր երիկամներու եւ լեարդի հետ կապուած խնդիր եւ վերջին շրջանին անոր վիճակը ծանր էր:

Դեռ մանուկ հասակէն ստանձնած է եգիպտական կինեմատոգրաֆի «Ոսկէ դար»-ի աստղի փառք: Ֆէյրուզ յայտնի դերասանուհի եւ երգչուհի Նելլի Արթին Գալաֆեանի աւագ քոյրն է:

Վերցնելով ֆէյրուզ անունը (Փիրուզ անունի արաբական ձեւը) ան կը սկսի գլխաւոր դերեր խաղալ ֆիլմերու մէջ արդէն 7 տարեկանէն, առաջին անգամ ելոյթ ունենալով Yasmine (1950) ֆիլմին մէջ: Ան մասնակցած է աւելի քան 10 ֆիլմերու որպէս դերասանուհի, երգչուհի, պարուհի: Ֆէյրուզ իր ամենամեծ դերը կատարած է Dahab (1953) ֆիլմին մէջ:

Նշենք, որ դերասանուհին, որուն կ՛անուանէին «հրաշամանուկ», յայտնի էր երաժշտական ներկայացումներու մէջ իր դերերով: Ան  9 տարուան մէջ խաղցած է 10 դեր, սակայն 15 տարեկանին ամուսնանալով լքած է բեմը:

2001-ին Ֆէյրուզ պարգեւատրուած է Գահիրէի միջազգային կինոփառատօնին կողմէ՝ եգիպտական կինոյի մէջ ունեցած իր աւանդին համար:

Յիշեցնենք, որ Ֆէյրուզ` Փիրուզ Արթին Գալֆայեան, ծնած է 1943-ին, Գահիրէ:

 

 

LEAVE A REPLY

Please enter your comment!
Please enter your name here