Սուրիական Բանակը` Սուրիա – Թուրքիա Սահմանէն 16 Քիլոմեթր Հեռաւորութեան Վրայ

0
162

«Գանձասար» կը հաղորդէ, որ սուրիական բանակն ու անոր դաշնակիցները կը շարունակեն յառաջանալ Հալէպի հիւսիսային եւ հարաւային գիւղերուն մէջ:

Հիւսիսային գիւղերուն մէջ սուրիական բանակը մօտեցաւ Թել Ռըֆաաթ գիւղին: Բանակը այժմ կը գտնուի Թուրքիա-Սուրիա սահմանէն 16 քիլոմեթր հեռաւորութեան վրայ` Պապ Սալամա անցքին ուղղութեամբ:

Բանակը մէկ օր առաջ իր հակակշիռին տակ առած էր Ռեթիեն եւ Մեյեր գիւղերը: Վերջինս կը նկատուէր հիւսիսային Հալէպի գիւղական շրջանին մէջ Ժապհաթ Նուսրա խմբաւորման մեծագոյն կեդրոնը, որ կը գտնուի Նըպպոլ գիւղին արեւելքը:

Սուրիական բանակը իր հակակշիռին տակ առած է նաեւ Հալէպի հիւսիսային շրջանի միջազգային ճամբուն կարեւոր մէկ մասը, այժմ կը գտնուի Հալէպի մայրուղիէն 10 քիլոմեթր հեռաւորութեան վրայ: Այսպիսով, ան փակած կ՛ըլլայ Հալէպի մէջ տեղակայուած զինեալ  խմբաւորումներուն զէնքի ու զինամթերքի մատակարարումը թրքական սահմանէն:

LEAVE A REPLY

Please enter your comment!
Please enter your name here