«Հայոց Պատմութեան Հիմնահարցեր»-ու Հեռուսուցման Խտացեալ Ծրագիր Լիբանանի Մէջ. Հաղորդագրութիւն

0
146

Համազգայինի Լիբանանի Շրջանային վարչութիւնը` համագործակցութեամբ Երեւանի Պետական Համալսարանի Հայագիտական հետազօտութիւններու հիմնարկին, երկրորդ անգամ ըլլալով կը կազմակերպէ «Հայոց պատմութեան հիմնահարցեր»-ու հեռուսուցման խտացեալ եռամսեայ ծրագիրը, որուն կրնան մասնակցիլ հայոց պատմութեան եւ լեզուի ուսուցիչները, ինչպէս նաեւ նիւթով հետաքրքրուած անհատներ:

Այս շրջագիծին մէջ, Համազգայինի Լիբանանի Շրջանային վարչութիւնը կը հրաւիրէ լիբանանահայ վարժարաններու ուսուցիչները, մամլոյ աշխատակիցները, միութիւններու գրասենեակներու գործավարներն ու նիւթով հետաքրքրուած անհատները` մասնակցելու սոյն դասընթացքին:

Երեք ամիս է տեւողութիւնը ծրագիրին, որ բաղկացած է մէկ ճանաչողական հանդիպումէ եւ տասը դասաժամերէ, որոնք պիտի աւանդուին հեռուսուցման կարգով:

Ծրագիրի մասնակցութեան սակ` 300 ամերիկեան տոլար: Աւարտին, ծրագիրին մասնակցողները Երեւանի Պետական Համալսարանէն պիտի ստանան համապատասխան վկայագիրներ:

Հետեւաբար կը խնդրենք, որ առաւելագոյնը մինչեւ Չորեքշաբթի, 17 Փետրուար 2016 մասնակցիլ փափաքողները իրենց անունները եւ հեռաձայնի թիւերը փոխանցեն Համազգայինի Լիբանանի Շրջանային վարչութեան գործավարին (հեռաձայն` 01-258721 / 76-496696):

Մասնակիցներու ծանօթացման հանդիպումը տեղի պիտի ունենայ երկուշաբթի, 22 փետրուար 2016-ին, իսկ դասընթացքը պիտի սկսի 1 Մարտ 2016-ին:

ՀԱՄԱԶԳԱՅԻՆԻ ԼԻԲԱՆԱՆԻ
ՇՐՋԱՆԱՅԻՆ ՎԱՐՉՈՒԹԻՒՆ

LEAVE A REPLY

Please enter your comment!
Please enter your name here