ԵՐԵՍՈՒՆ ՀԻՆԳ ՏԱՐԻ ԵՏՔ , ԼԻԲԱՆԱՆԱՀԱՅ ՍԻՐՈՒԱԾ ԴԵՐԱՍԱՆ ՂԱԶԱՐՈՍ ԱԼԹՈՒՆԵԱՆ ԿԸ ՎԵՐՅԻՇԷ « ՊԸՆՍՊԷ ԼԱՊՈՒՔՐԱ ՇՈՒ» ՆԵՐԿԱՅԱՑՈՒՄԸ

0
249

Հեղինակ   Զիատ Ռահպանիի բեմադրութեամբ, ընկերային, քաղաքական, տնտեսական խորքով «Պընըսպէ Լապուքրա Շու» ներկայացումը երեսուն եւ հինգ տարիներ առաջ մեծ աղմուկ բարձրացուց եւ լայն ընդունելութիւն գտաւ լիբանանի թատերասէր հասարակութեան մօտ:7

Այսօր, երեսուն եւ հինգ տարիներ ետք, շնորհիւ «Էմ Մետիա » ընկերութեան արհեստագիտական փորձերուն, լիբանանցի հանդիսատեսը մեծ պաստառներու վրայ կը վայելէ «Պընըսպէ Լապուքրա Շու» ներկայացումը:

Այս գնահատելի իրադարձութեան աիթով, հեռատեսիլի «Ֆիւչըր» կայանի հանրածանօթ   հաղորդավար Զաւէն Գույումճեան, «Պելէ Թուլ սիրէ» յայտագիրէն զրոյցի մը հրաւիրած էր Զիատ Ռահպանիի թատրոնի սիւներէն եւ ներկայացումի աստղերէն Ռաֆիք Նեժըմը, Ֆէյիք Հըմայսին,լիբանանահայ սիրուած դերասան եւ մտաւորական Ղազարոս Ալթունեանը (խաուաժա Ատնանի դերով):

Ղազարոս Ալթունեան Զիատի ներկայացումներուն մէջ ծանօթ կը մնայ մարմնաւորած հայու կերպարներով: Ան, իր խօսքը սկսաւ արժեւորելով Ժոզէֆ Սաքրի եւ Լէյէլի մատուցած ծառայութիւնը սոյն ներկայացումին յաջողութեան, աւելցնելով, թէ օրին, որոշ տեղեկութիւններ քաղած էր ներկայացումը ութ միլիմեթրի վրայ նկարահանուելու մասին: Սակայն մտքով չէր անցուցած, որ օրին մէկը մեծ պաստառ կրնար բարձրանալ: Այսօր, ան շատ ուրախ էր, որ երիտասարդութիւնը մեծ պաստառի վրայ կը դիտէր զայն: Ղազարոս Ալթունեան յայտնեց, թէ Զիատ Ռահպանի ըլլալով, թատերական իւրայատուկ դպրոցի մը հեղինակը, սերունդէ սերունդ կը փոխանցէր պատմական յիշողութիւնը: Ներկայացումը Զիատի երրորդն էր: Ղազարոս Ալթունեան նշեց,թէ «Պընսպէ Լապուքրա Շու» կը նկատուի Զիատի լաւագոյն գործերէն: Անոր նիւթը իր տարբեր երեսներով կը մնայ այժմէական. «Սխալ պիտի ըլլար մոռնալ 38 տարիներ առաջ Զիատի գրած այս ստեղծագործութիւնը, որովհետեւ պատմութիւնը ինքզինք կը կրկնէ այսօր: Այսօր ալ միեւնոյն կացութիւնը կը տիրէ Լիբանանի մէջ, կարծէք տարի մը առաջ Զիատ գրած ըլլայ զայն». նշեց Ղազարոս Ալթունեան: Լիբանանահայ սիրուած դերասանը նաեւ ընդգծեց, թէ հպարտ էր իր հայկական պատկանելիութեամբ:

Նորանոր յաջողութիւններ լիբանանեան թատրոնի փառքերէն՝ Զիատ Ռահպանիի եւ մեր սիրելի բարեկամին՝ Ղազարոս Ալթունեանին:

Ահարոն Շխրտըմեան

 

LEAVE A REPLY

Please enter your comment!
Please enter your name here