Երէկ Պէյրութի մէջ իր մահկանացուն կնքեց վաստակաւոր բեմադրիչ եւ դերասան Պերճ Ֆազլեան:

0
151

Երէկ Պէյրութի մէջ իր մահկանացուն  կնքեց վաստակաւոր բեմադրիչ եւ դերասան Պերճ Ֆազլեան:

Պոլիս ծնած  արուեստագէտը լիբանանեան ֆիլմարուեստի եւ թատերական աշխարհին կտակեց մեծ ու լուսաշող աւանդ։ 

Պերճ Ֆազլեան ծնած է 1926-ին Դեկտեմբեր 4-ին Կոստանդնուպոլսոյ մէջ: Աւարտած Կ.Պոլսոյ Մխիթարեան եւ Կեդրոնական վարժարանները, քաղաքապետարանի թատրոնի դասընթացքները: 1944-էն մասնակցած է նոյն թատրոնի ներկայացումներուն: 1965-67 թուականներուն կատարելագործուած է Փարիզի մէջ:

1951-էն գործած է Պէյրութի մէջ: 1959-ին հիմնած է Փափազեան թատերախումբը, որ ղեկավարած է մինչեւ 1971 թուականը: 1963-ին հիմնած է Լիբանանեան արաբական թատրոնը, 1971-ին` «Ազատ բեմ» սեփական թատերախումբը: 1976-ին հաստատուած է Մոնրէալի մէջ, կազմակերպած «Հայ բեմ» թատերախումբը, հանդէս եկած Գանատայի եւ ԱՄՆ-ի քաղաքներուն, նաեւ Լոնտոնի մէջ: Բեմադրութիւններէն են` Մ.Փանեօլի «Թոպազ»,Լ.Շանթի «Հին աստուածներ», Յ.Պարոնեանի «Պաղտասար աղբար», Կ.Կոլտոնիի «Երկու տիրոջ ծառան», Վ.Շէքսպիրի «Ամառնային գիշերուայ երազը», Մոլիերի «Թարթիւֆ» («Խաչագողը»), Ն.Կոկոլի «Ամուսնութիւն» եւ այլն: Խաղցած է բոլոր իր բեմադրած ներկայացումներուն մէջ: Հայկական հեռուստաթատրոնին համար բեմադրած է «Քարիտեզճին» (ըստ Երուխանի «Ձուկին փոխարէն» պատմուածքի, 1986թ.):

Նկարահանուած է լիբանանեան եւ եգիպտական ֆիլմերու մէջ` «Մատանի վաճառողը», «Պահակի աղջիկը» եւ այլն:

LEAVE A REPLY

Please enter your comment!
Please enter your name here