Հայաստանի Հանրապետութիւնը` ՄԱԿ-ի Պատուոյ Ցանկին Վրայ

0
274

Հայաստանի Հանրապետութեան արտաքին գործոց նախարարութեան մամլոյ, տեղեկատուութեան եւ հասարակութեան հետ կապի վարչութենէն «Արմէնփրես»-ին յայտնած են, որ Հայաստանի Հանրապետութիւնը 2016-ին ներառուած է ՄԱԿ-ի պատուոյ ցանկին վրայ` կազմակերպութեան պիւտճէին ժամանակին եւ ամբողջութեամբ կատարած անդամավճարներուն համար:

Յունուար 2016-ին Հայաստանի Հանրապետութեան կառավարութեան կողմէ ՄԱԿ-ի պիւտճէին փոխանցուած է 150.039 ամերիկեան տոլար` իբրեւ Հայաստանի Հանրապետութեան ՄԱԿ-ին անդամակցութեան գծով 2016-ի տարեկան անդամավճար:

Պատուոյ ցանկին վրայ ընդգրկուած են այն անդամ երկիրները, որոնք ընթացիկ տարուան առաջին 30 աշխատանքային օրուան ընթացքին ամբողջութեամբ վճարած են ՄԱԿ-ի պիւտճէին անդամակցութեան գծով ելեւմտական պարտաւորութիւնները: Այս տարի պատուոյ ցանկին վրայ ներառուած են ՄԱԿ-ի 193 անդամ երկիրներէն միայն 27-ը:

LEAVE A REPLY

Please enter your comment!
Please enter your name here