Մանրամասներ 2 Զինծառայողի Մահուան Մասին

0
124

ՀՀ քննչական կոմիտէն նոր մանրամասներ յայտնած է այսօր` Փետրուար 19-ին, Արցախի մէջ տեղի ունեցած արտակարգ պատահարի մասին, որուն հետեւանքով զոհուած էր երկու զինծառայող:

Ըստ ՔԿ տարածած հաղորդագրութեան, նախնական տուեալներով` 2016 թուականի Փետրուար 19-ին` ժամը 06:50-ի սահմաններուն, N զօրամասի 3-րդ ջոկի գնդացրորդ, շարքային Թ. Սլոյեանը, նոյն զօրամասի պահպանութեան տակ գտնուող մարտական դիրքի դիտակէտին մօտ իրեն ամրակցուած գնդացիրէն կրակած է նոյն ջոկի հրամանատար, մարտական դիրքի աւագ, կրտսեր հարիւրապետ Կամօ Յովհաննիսեանի դէմքի շրջանին: Ստացած վնասուածքէն Կ. Յովհաննիսեանը տեղւոյն վրայ մահացած է, որմէ ետք շարքային Սլոյեանը ինքն իրեն գլխու շրջանին պատճառած է հրազէնային մահացու վէրք:

Նկատի ունենալով, որ նախապատրաստուած նիւթերուն մէջ առերեւոյթ առկայ են ՀՀ քրէական օրէնսգրքի 104-րդ յօդուածի 1-ին մասով եւ 110-րդ յօդուածի 1-ին մասով նախատեսուած յանցագործութիւններու յատկանիշներ մատնանշող բաւարար տուեալներ` երկրորդ կայազօրային քննչական բաժնին մէջ յարուցուած է քրէական գործ:

Կը կատարուին անհրաժեշտ քննչական գործողութիւններ` դէպքի բոլոր հանգամանքները, շարժառիթները պարզելու ուղղութեամբ:

Յիշեցնենք, որ ԼՂՀ ՊԲ մամուլի ծառայութիւնը յայտնած էր, որ այսօր, ՊԲ հարաւարեւելեան ուղղութեամբ տեղակայուած զօրամասերէն մէկուն պահպանութեան տեղամասին մէջ տեղի ունեցած արտակարգ պատահարի հետեւանքով զոհուած են ՊԲ զինծառայողներ, 1997-ի ծնունդ Կամօ Արայի Յովհաննիսեանը եւ Թեմուր Շարիի Սլոյեանը:

LEAVE A REPLY

Please enter your comment!
Please enter your name here