Հայկական Եւ Յունական Ստացուածքի Թրքացման Մասին Նոր Գիրք՝ Թուրքիոյ Մէջ

0
138

ԵՐԵՒԱՆ, «Նիուզ».- Թրքական «Էվրենսել» հրատարակչատունը հրատարակած է Նեւզաթ Օնարանի երկու հատորնոց նոր գիրքը, որուն մէջ քննութեան կ՛ենթարկուի Թուրքիոյ ազգայնականութեան տնտեսական քաղաքականութիւնը:

«Ակունք» լրատուական կայքը կը նշէ, որ գիրքին մէջ կ՛ուսումնասիրուի Համաշխարհային Ա. պատերազմին ընթացքին Միութիւն եւ յառաջդիմութիւն կուսակցութեան (Երիտթուրքեր) կառավարութեան կողմէ «ուրիշներ»ու ստացուածքը սեփականացնելու տնտեսական քաղաքականութեան պատմութիւնը՝ սկսելով 1915էն ու հասնելով մինչեւ մեր օրերը:

Հետազօտութեան մէջ կը շեշտուի, որ 1920ականներուն Թուրքիոյ հանրապետութեան «ազգային քաղաքականութիւն»ը հիմնուած է Միութիւն եւ յառաջդիմութիւն կուսակցութեան տնտեսական քաղաքականութեան վրայ, եւ հետեւաբար, կը հանդիսանայ այդ քաղաքականութեան բնական շարունակութիւնը:

Ուրեմն, Օնարանի հատորը կ՛ուսումնասիրէ թրքական ազգայնականութեան տնտեսական արիւնոտ քաղաքականութիւնը եւ անոր ազդեցութիւնը՝ այդ հողերու ոչ-թուրքերուն վրայ:

Օնարան իր գիրքին մէջ օգտագործած է Թուրքիոյ կառավարութեան կից օսմանեան եւ հանրապետական արխիւային փաստաթուղթեր, ինչպէս նաեւ՝ «Ակօս» եւ «Ճումհուրիյէ»չ թերթերու արխիւային նիւթեր:

LEAVE A REPLY

Please enter your comment!
Please enter your name here