Էրտողանի Կուսակցութիւնը «Իսլամական Պետութեան» Քաղաքական Թեւն Է. Տեմիրթաշ

0
131

ԵՐԵՒԱՆ, «Նիուզ».- Թուրքիոյ քրտամէտ Ժողովուրդներու ժողովրդավարական կուսակցութեան ղեկավար Սալահետտին Տեմիրթաշ Թուրքիոյ իշխող Արդարութիւն եւ բարգաւաճում կուսակցութիւնը ամբաստանած է Սուրիոյ մէջ ահաբեկիչներուն աջակցելու յանցանքով։ Տեմիրթաշ նոյնիսկ պնդած է, թէ նախագահ Էրտողանի կուսակցութիւնը դարձած է «Իսլամական պետութիւն» ահաբեկչական կազմակերպութեան քաղաքական թեւը:

Նշենք, որ Էրտողան յաճախ Տեմիրթաշի կուսակցութիւնը կը նկատէ Թուրքիոյ մէջ ահաբեկչական կազմակերպութիւն նկատուող Քիւրտիստանի բնաուորական կուսակցութեան քաղաքական թեւը։

Տեմիրթաշ նաեւ քննադատած է այն իրողութիւնը, որ իշխող կուսակցութիւնը երկրի որեւէ անկիւնը պատահած ահաբեկչական արարքի պատասխանատուն կը նկատէ քիւրտերը՝ ակնարկելով Անգարայի այն պնդումներուն, թէ վերջերս տեղի ունեցած պայթումին պատասխանատուն սուրիացի քիւրտերն էին։

LEAVE A REPLY

Please enter your comment!
Please enter your name here