ՀԲԸՄ-ՀԵԸ ՄՇԱԿՈՒԹԱՅԻՆ ՎԱՐՉՈՒԹԵԱՆ ԿԱԶՄԱԿԵՐՊՈՒԹԵԱՄԲ JAZZ CONCERT

0
148

ՀԲԸՄ-ՀԵԸ-ի  Անդրանիկ Մշակութային Միութեան նախաձեռնութեամբ եւ Լիբանանի մօտ Իտալական Մշակութային Կեդրոնի հետ համագործակցաբար, Ուրբաթ, 26 Փետրուար 2016-ի երեկոյեան, ՀԲԸՄ-ի Տեմիրճեան Կեդրոնին մէջ, ի ներկայութիւն ՀԲԸՄ-ի Լիբանանի Շրջանակային Յանձնաժողովի եւ ՀԵԸ-ի Կեդրոնական Վարչութեան անդամներու, Լիբանանի մօտ Իտալիոյ եւ Հայաստանի դեսպանատան ներկայացուցիչներու, հիւրերու, մշակութասէր ընտրանիի մը, տեղի ունեցաւ «Միջին Արեւելեան Երկխօսութիւններ» վերնագիրի տակ «Ճազ Թրիօ» համոյթին համերգը:

ՀԵԸ-ի Մշակութային Մարմնի անդամ Վազգէն Մուղալեան, հայերէն եւ անգլերէն լեզուներով բացատրեց համերգին նպատակը, համառօտակի կատարելով Ճազ երաժշտութեան պատմականը: Ան ընդգծեց,թէ այսօրուան մեր ունկնդրելիք երաժշտութիւնը յայտնապէս կը տարբերի աւանդական ճազ երաժշտութեան ոլորտէն: Ապա,ան ներկայացուց «Ճազ Թրիօ» խումբին անդամները: Վազգէն Մուղալեան նաեւ բացատրեց «Միջին Արեւելեան Երկխօսութիւններ» երեկոյին խորհուրդը, շեշտելով որ Միջերկրական ծովուն շուրջ ապրող ժողովուրդները երկխօսութեան եւ համակեցութեան ճանապարհով պիտի ամրապնդեն իրենց գոյակցութիւնը:

Իր կարգին, Իտալական դեսպանատան մշակութային կցորդ,Մշակութային Կեդրոնի տնօրէն Էտուարտօ Քրիզաֆուլլի շեշտեց իտալական դեսպանատան եւ ՀԲԸՄ-ՀԵԸ-ի միջեւ տարիներու վրայ երկարող մշակութային համագործակցութիւնը: Ան աւելի համապարփակ նրկայացուց համերգին մաս կազմող երեք արուեստագէտները, որոնք յատուկ հրաւէրով ժամանած էին Լիբանան եւ լայն ընդունելութեան արժանացած, ցարդ ունեցած համերգներով:

Միջազգային մրցումներու դափնեկիր, ծագումով լիբանանցի՝ Սթեֆանօ Մաուրիզի, (դաշնամուր), եգիպտացի երաժիշտ Մոհամմէտ Ապոզեքրի (սազ) եւ բնիկ իտալացի՝ Լուչիանօ Պիոնտինի ( Ձեռնադաշնակ-աքորտիոն) միջինարեւելեան ժողովուրդներու միջեւ երկխօսութեան խորհուրդը բնաբան ունենալով, մերթ խմբային, մերթ՝ անհատական կատարումներով, արուեստի ճոխ ընտրանի մը ներկայացուցին մշակութասէր հասարակութեան: Յայտագիրը կ’ընդգրկէր տասը երաժշտական կտորներ: Ներկաները մեծ խանդավառութեամբ ընկալեցին բարձր ոճով մատուցուած համերգը:

Համերգի աւարտին տեղի ունեցաւ կոկիկ հիւրասիրութիւն:

 

 

LEAVE A REPLY

Please enter your comment!
Please enter your name here