Աւօ Տեմիրճեանի «Էփիսոտ» Ալպոմի Մեկնարկ

0
169

Երէկ` չորեքշաբթի, 2 մարտ 2016-ին, երեկոյեան ժամը 6:00-ին, տեղի ունեցաւ երիտասարդ ջութակահար եւ երգահան Աւօ Տեմիրճեանի «Էփիսոտ» ալպոմի մեկնարկի ձեռնարկը, «Արթ Լաունճ» սրահին մէջ, Մար Մխայէլ:

Ձեռնարկին սկիզբը ջութակահարը ներկայացուց ինքզինք: Աւօ Տեմիրճեան 26 տարիներէ ի վեր ջութակահար է, ան երաժշտութեան աշխարհ մուտք գործած է 5 տարեկանին եւ 15 տարեկանին սկսած է երաժշտական կտորներու յօրինումի: Տեմիրճեան իր խօսքին մէջ ըսաւ, թէ առաջին հանգրուանին ան նուագած է դասական ջութակ, որմէ ետք մասնագիտացած է ելեկտրոնային ջութակի վրայ: Ան իր ոճը իւրայատուկ կը նկատէ: Տեմիրճեան ապրած է Ֆրանսա, ապա վերադարձած Լիբանան, որմէ ետք մեկնած է Պոսթըն, ուր ունեցած է իր համալսարանական կեանքը:

Աւօ Տեմիրճեանի ինքնակենսագրութեան ներկայացումէն ետք, ցուցադրուեցան «Էփիսոտ» ալպոմէն 2 երգերու ժապաւէնները: Ժապաւէններու ցուցադրութենէն ետք երգահանն ու ջութակահարը նուագով մը ապշեցուց ներկաները:

Նշենք, թէ ձեռնարկին ներկայ էին լիբանանեան թերթերու, ձայնասփիւռի եւ պատկերասփիւռի կայաններու թղթակիցներ:

Ձեռնարկին աւարտին Աւօ Տեմիրճեան ներկաները հրաւիրեց 15 ապրիլ 2016-ին Տորայի «Տեմքօ սթիլ» գործարանի շրջափակին մէջ տեղի ունենալիք ելոյթին, որուն հասոյթը պիտի տրամադրուի ՀԲԸՄ-ին

LEAVE A REPLY

Please enter your comment!
Please enter your name here