ՀԵԸ ԱՆԴՐԱՆԻԿ ՍԻՆ ԷԼ ՖԻԼԻ ՊԱՍՔԵԹՊՈԼԻ ՏԻՏՂՈՍԱԿԻՐ ԽՈՒՄԲԸ ՍԻՆ ԷԼ ՖԻԼԻ ՔԱՂԱՔԱՊԵՏԻՆ ՆՈՒԻՐԵՑ ԱԽՈՅԵԱՆՈՒԹԵԱՆ ԲԱԺԱԿԸ

0
182

Հինգշաբթի, 11  Օգոստոս 2016,  նախապէս առնուած  ժամադրութեան մը հիման վրայ,  ՀԵԸ-ի Կեդրոնական Վարչութիւնը  ներկայացնող պատուիրակութիւն մը, ատենապետ  Վիգէն Չերչեանի գլխաւորութեամբ,ատենադպիր եւ Անդրանիկ Սեւան Գործադիր Մարմինի ատենապետ  Յակոբ Թելվիզեանի,Վաչէ Մելքոնեանի, Արթօ Գունտաքճեանի եւ ՀԵԸ-ի  վարիչ տնօրէն Գէորգ Սանթուրեանի, ՀԵԸ Անդրանիկ Սին Էլ Ֆիլի  պասքեթպոլի աղջկանց կազմին եւ  մարզիչ  Յարութ  Գուզույեանի  ընկերակցութեամբ այցելեց Սին Էլ Ֆիլի  քաղաքապետարանը , ուր արժանացաւ  նորընտիր քաղաքապետ Նեպիլ Քահալէի  եւ անոր  գլխաւորած  քաղաքապետութեան անդամներուն  ջերմ ընդունելութեան:

ՀԵԸ Անդրանիկ Սին Էլ Ֆիլի   մարզուհիները, որոնք վերջերս տիրացան Լիբանանի պասքեթպոլի Բ.դասակարգի ախոյեանութեան տիտղոսին եւ յառաջիկայ մարզական տարեշրջանին  պիտի մասնակցին  Ա.դասակարգի ախոյեանութեան մրցումներուն,   քաղաքապետին նուիրեցին Լիբանանի Բ. դասակարգի ախոյեանութեան տիտղոսի բաժակը:  Քաղաքապետը  իր երախտագիտութիւնը  յայտնեց  ՀԵԸ Անդրանիկ Սին Էլ Ֆիլի  մարզուհիներուն ցուցաբերած այս գնահատելի  քայլին եւ  նորանոր յաջողութիւններ մաղթեց  ՀԵԸ  Անդրանիկ Սին  Էլ Ֆիլին:

Մեր պատուիրակութեան անդամները  քաղաքապետը իրազեկ դարձուցին ՀԵԸ-ի ծաւալած մարզական, մշակութային եւ տարբեր մարզերու մէջ ծաւալած  գործունէութեան: Իր կարգին, քաղաքապետը անդրադարձաւ Սին Էլ Ֆիլի  քաղաքապետութեան աշխատանքներուն եւ  ծրագիրներուն :

Հանդիպումը առիթ մը եղաւ նաեւ ծանօթանալու Սին Էլ Ֆիլի  քաղաքապետութեան կառոյցներուն. գրադարան,  հանդիսասրահ եւ այլ յարմարութիւններ,որոնք  տրամադրելի  են արդէն շրջանի  բնակիչներուն:  Այցելութիւնը աւարտեցաւ դարձեալ  հանդիպելու  եւ  համագործակցութեան  բարեմաղթութիւններով:

ՀԵԸ-Ի ՄԱՄԼՈՅ  ԳՐԱՍԵՆԵԱԿ

 

On Thursday, August 11, 2016 a delegation representing the AGBU-AYA Central Committee consisting of Messrs. Vicken Tchertchian (Chairman), Hagop Telvizian (Secretary of Central Committee and Chairman of Antranik-Sevan Executive Committee), Vatche Melkonian, Arto Koundakjian, AYA managing director Kevork Santourian and accompanied by Antranik Sin El Fil Women’s basketball team athletes and coach Harout Kouzoudjian, paid a visit to the Sin El Fil Municipality.
The delegation received a warm welcome from the newly elected president of the Municipal Council Nabil Kahale.
The AYA Antranik-Sin El Fil Women’s team, who recently won the Lebanese Basketball Second Division Championship, presented the trophy to the president of the Municipal council. Mr. Kahale highly appreciated AYA’s achievement, and wished the best to our team in its future endeavors. He was also introduced to the various sports, cultural and youth activities organized by the AYA. In its turn, the AYA delegation also received an overview about the Municipality’s various programs.

LEAVE A REPLY

Please enter your comment!
Please enter your name here