ՀՀ Սփիւռքի Նախարարութիւնը եւ «Գալուստ Կիւլպէնկեան» Հիմնարկութիւնը Աշխատանքի Կը Հրաւիրեն

0
146

ՀՀ սփիւռքի նախարարութիւնը եւ «Գալուստ Կիւլպէնկեան» հիմնարկութիւնը Հայաստան տեղափոխուած սուրիահայերու հիմնախնդիրներու համակարգման աշխատանքներու աջակցման նպատակով պայմանագրային հիմունքներով աշխատանքի կը հրաւիրեն երկու մասնագէտներ, որոնք կ’ընտրուին հարցազրոյցի արդիւնքով:

Թեկնածուներու մասնագիտական որակներու եւ գիտելիքներու (որակաւորումներու), հմտութիւններու եւ ունակութիւններու ստուգման չափանիշներն են`

Հմտութիւններ եւ ունակութիւններ

– Հաղորդակցութեան եւ միջանձնային յարաբերութիւններու,

-Թիմային աշխատանքի,

– Ժամանակի արդիւնաւէտ կառավարման,

-հաշուետուութիւններու պատրաստման, ռազմավարութեան, հայեցակարգերու, ծրագրերու մշակման եւ ներկայացման,

-Բանակցութիւններ վարելու,

– Տեղեկատւութիւն հաւաքագրելու, վերլուծելու եւ կառավարելու,

-բարձրացուած խնդիրներու լուծման հարցով հետեւողականութեան եւ անոր համար անհրաժեշտ     կառուցակարգերու ներդրման,

-Համաժողովներու, ժողովներու, նիստերու, հանդիպումներու եւ խորհրդակցութիւններու կազմակերպման,

-Որոշումներու եւ փաստաթուղթերու նախագիծերու պատրաստման եւ այլն:

մասնագիտական որակներ եւ գիտելիքներ (որակաւորումներ)

-բարձրագոյն (առնուազն մագիստրոսի աստիճան) կրթութիւն (նախապատւութիւնը կը տրուի իրաւաբանական եւ /կամ տնտեսագիտական կրթութիւն ունեցող թեկնածուներուն),

– Հասարակական եւ միջազգային կազմակերպութիւններու հետ աշխատանքի փորձ,

-փախստականներու, ապաստան հայցողներու եւ տեղահանուած անձանց առնչուող միջազգային իրաւական ակտերու եւ ազգային օրէնսդրութեան իմացութիւն,

-Համակարգիչով եւ ժամանակակից տեխնիկական այլ միջոցներով աշխատելու ունակութիւն,

-Հայերէնի եւ անգլերէնի գերազանց իմացութիւն (ռուսերէնի, արաբերէնի իմացութիւնը ցանկալի է),

–Հարկային եւ մաքսային օրէնսդրութեան, ֆինանսներու իմացութիւն (ցանկալի է):

Հարցազրոյցին մասնակցելու ցանկութիւն ունեցող եւ պահանջուող չափանիշներուն համապատասխանող անձինք կրնան իրենց բնութագրերը (CV-ն) ուղարկել [email protected] եւ [email protected] ելեկտրոնային հասցէներով:

Թեկնածուներու կողմէն հարցազրոյցին մասնակցելու համար դիմումներու ներկայացման վերջնաժամկէտն է ս.թ. Սեպտեմբեր 25-ը:

Ընտրուած թեկնածուներուն հարցազրոյցի մանրամասնութիւններու մասին կը տեղեկացուի լրացուցիչ:

 

LEAVE A REPLY

Please enter your comment!
Please enter your name here