Զոհուած Զինծառայողներու Երեխաներուն Ամենամսեայ Աջակցութիւն Պիտի Ցուցաբերուի

0
195

«Support Armenia» բարեգործական կազմակերպութեան ներկայացուցիչները՝ «Քեզ հետ եմ հայ զինուոր» նախագիծին ծիրէն ներս՝ Ստեփանակերտի «Վալլեքս Գարդեն» հիւրանոցային համալիրին մէջ, այսօր, դրամական աջակցութիւն տրամադրած են ապրիլեան ռազմական գործողութիւններուն հետեւանքով զոհուած զինծառայողներու երեխաներուն: Այս մասին կը հաղորդէ Artsakhpress.am-ը։

Կազմակերպութեան «Քեզ հետ եմ հայ զինուոր» նախագիծին նպատակն է շարունակական օգնութիւն ցուցաբերել ապրիլեան պատերազմին զոհուած զինծառայողներու անչափահաս երեխաներուն:

Կազմակերպութեան համահիմնադիր Յովիկ Զիրաքեան տեղեկացուցած է, որ ընթացիկ տարուան 12 Յունիսին Լոս Անճելըսի մէջ` «Support Armenia» բարեգործական կազմակերպութեան նախաձեռնութեամբ տեղի ունեցած է «Քեզ հետ եմ հայ զինուոր» խորագիրը կրող հեռուստամարաթոն, որուն նպատակն էր ստացուած ամբողջ հասոյթը փոխանցել  ապրիլեան քառօրեայ պատերազմին զոհուած զինծառայողներու ընտանիքներուն եւ վիրաւոր զինուորներուն:

Յ. Զիրաքեանի հաւաստումներով` ծրագիրը պիտի կրէ շարունակական բնոյթ։

Անոր խօսքով՝ կազմակերպութեան ստեղծման գաղափարը յառաջացած է  ապրիլեան ռազմական գործողութիւններու օրերուն :

«Support Armenia»-ի համահիմնադիր Լիլեա Աւագեան յայտնած է, որ «Քեզ հետ եմ հայ զինուոր» ծրագիրին ծիրէն ներս օգնութիւն պիտի ցուցաբերուի ապրիլեան ռազմական գործողութիւններուն հետեւանքով զոհուած զինծառայողներու 33 ընտանիքներուն, որոնք ունին անչափահաս երեխաներ:

«Մեր նպատակն այդ ընտանիքների երեխաներին շարունակական աջակցութիւն ցուցաբերելն է ` մինչեւ նրանց չափահաս դառնալը: Մենք կ’այցելենք նաեւ այդ օրերին վիրաւորուած զինծառայողներին, ովքեր մինչ հիմա դեռ բուժում են ստանում»,- մանրամասնած է Լ. Աւագեան` աւելցնելով, որ կազմակերպութեան կողմէն ապրիլեան ռազմական գործողութիւններուն հետեւանքով զոհուած զինծառայողներու ընտանիքներուն պիտի ցուցաբերուի ամենամսեայ նիւթական աջակցութիւն:

Նախաձեռնությունը  կը պատկանի «Support Armenia» կազմակերպութեանը, որուն  գլխաւոր  կեդրոնը  կը գտնուի  Մ. Նահանգներու Լոս Անճելըս քաղաքին մէջ

LEAVE A REPLY

Please enter your comment!
Please enter your name here