Լոյս Տեսած Է Հայկական Հին Դրամներու Նուիրուած Հատոր Մը

0
185

ԼԵՆՔԵՍԹԸՐ, Փենսիլվանիա.- Դասական դրամագիտական խմբակին (CNG) նախաձեռնութեամբ, հայկական վաղեմի դրամներու նուիրուած անգլերէն հատոր մը՝ «Armenian Coinage in the Classical Period» անունով, լոյս տեսած է հեղինակութեամբ քալիֆորնիացի դրամագէտ Ֆրենք Լ. Քովաքսի։

Հատորը, որ 10րդն է նշեալ խմբակին հրատարակած «Դասական Դրամագիտական Ուսումնասիրութիւններ» շարքին, հայկական դրամներու մասին վերջին տասնամեակին լոյս տեսած առաջին աշխատասիրութիւնն է, որ կը քննէ ամենահին հայկական դրամանիշէն (275 ք.ա.) սկսած աւելի քան 300 դրամներ։

142 էջնոց լաթակազմ հատորին գինը  կ’արժէ 90 տոլար,  ներառեալ՝ Միացեալ Նահանգներու մէջ առաքումը։ Միջազգային ապսպրանքներու սակը 125 տոլար է։ Հատորին տարածումը ստանձնած է Հայկական դրամագիտական ընկերակցութիւնը, որուն հասցէն է՝ PO Box 210313, Milwaukee, WI 53221-8006։

Յաւելեալ տեղեկութեանց համար, այցելել www.anasociety.org կայքը։

 

LEAVE A REPLY

Please enter your comment!
Please enter your name here